Keńes Odaǵynyń Batyry Serikbaı Mútkenov 1913 jyly Aqtoǵaı aýdanynda dúnıege kelgen. Qazir aýdandaǵy bir aýyl batyrdyń esimimen atalady. Serikbaı Mútkenov Pavlodar pedagogıkalyq ýchılıshesindegi oqýyn aıaqtaǵannan keıin, Jambyl, Keńes, Oktıabr aýyldarynda muǵalim bolyp qyzmet atqardy.
1942 jyly soǵysqa atanady. Komandır-artıllerıster mektebin bitirgennen keıin, aǵa serjant Serikbaı Mútkenov 316–shy atqyshtar dıvızııasy, 342-shi atqyshtar polkiniń batareıa komandıri bolady. Maıdanger 1944 jyly qańtar aıynda Cherkassk oblysy Zvenıgorosk aýdanynyń Rızıno aýylynda erlikpen qaza tapty.
Aýdan ortalyǵy Baıanaýyl aýylynda Ekinshi dúnıejúzilik soǵysqa qatysýshy, «Dańq» ordeniniń tolyq kavalerleri Baqyt Qaıdarov pen Vasılıı Hrıstenkoǵa, osy aýdannyń Birlik aýylynda partızan Jylbek Aǵadilovke bıýst ornatý boıynsha jumystar júrgizilýde.
Baıanaýyldyq zeınetker Azamat Ámirov Jańatilek aýylynyń týmasy Baqyt Qaıdarov týraly kitap jazýda. Baqyt Qaıdarov Kenınsberg túbinde qaıtys bolǵan. Erligi úshin «Dańq» ordenimen úsh ret marapattalǵan.
Batyr týraly aqparat alý úshin Máskeý, Lenıngrad oblystarynyń memlekettik muraǵatyna hat jazdym. Mektep aýlasynda kásipkerlerdiń qoldaýymen eskertkish ashtyq, - deıdi zeınetker.
Ádı Sháripovtyń «Partızan qyzy» kitabyndaǵy kishkentaı qyz Maııanyń áke-sheshesi Jylbek pen Jamal Aqádilovtar da Baıanaýyldyń Birlik aýylynda dúnıege kelgen.
Jylbek Shymkenttegi Qaplanbek aýylsharýashylyq tehnıkýmyn bitirip, Saryaǵashqa jiberiledi. Kýshka qalasynda jasaqtalǵan 152 atty ásker qataryna alynady. Ofıser Jylbek súıgen jary Jamalmen birge Belorýssııaǵa attanady. Kenetten soǵys bastaldy.
Belorýs ormandary partızandar ortasynda Maııa 1941 jyldyń 27 qarashasynda ormanda ómirge keledi.
Jylbek Aqádilov Rýmynııa, Vengrııa, Chehoslovakııa, Avstrııa jerlerin jaýdan azat etýge qatysady. Soǵystan keıin Aqádilovter otbasy, Jylbek ata qarjy salasynda, Jamal apa tiginshi, al, qyzdary «Partızan qyzy» Maııa ustaz bolyp qyzmet etti. Aqádilovtardyń soǵys kezindegi jaýyngerlik joldary umytylmastaı traıhta, kitapta qaldy, kınofılm de bar.
6-mamyr kúni oblys ortalyǵynda «Jeńimpazdar» kitaby jaryq kórdi. Kitapta soǵysqa qatysqan jáne tylda eńbek etken pavlodarlyqtardyń erligi, Jeńiske qosqan úlesteri jaıynda baıanadalǵan.
Pavlodar oblysy
