Qıyndyqty ońaılatqan onlaın

Osyndaı jaǵdaıda oqý prosesi qa­shyq­tan oqytýǵa kóshirildi. Leksııalar, tá­jirıbelik sabaqtar onlaın júıesinde zoom jáne t.b. platformalarda ótkizile bastady. Árıne jappaı mundaı oqý túrine kóshý barysynda qıynshylyqtar da kezdeskeni aqıqat. Degenmen birtindep kemshilikter joıylyp, oqý ádistemesi tolyqtyrylyp, qalypqa kele bastady.

Mundaı kúıdi bastan ótkergen oqy­tý­­shylar aldynda taǵy bir másele paıda boldy. Sáýir aıynda bitirýshi túlekter óndiristik jáne dıplom aldy tájirıbeden ótýge tıis edi. Karantın jaǵdaıynda óz úıleri ja­ǵyn­da tájirıbeden ótetinderge onsha qıyndyq joq bolatyn. Al alys jerler, oblystardaǵy sharýashylyqqa baratyndarǵa qıyndyq týǵyzdy. Onyń ishinde on shaqty stýdentimiz Almaty oblysy Talǵar aýdanyndaǵy «Baıserke-Agro» JShS-ne barýy kerek edi. Al Almaty qalasy karantınge jabylyp, kólik qatynastary da toqtaǵany bel­gi­li. Osy jaǵdaıdy eskere kele kafed­ra meńgerýshisi S.Bostanova ǵyly­mı jetekshilermen shuǵyl jınalys ótkizdi. Ártúrli pikirlerdi tyńdaı kele Sáýle Qýanyshbekqyzy bıylǵy baratyn stýdentterdiń ótken jyly atalǵan aımaqta óndiristik tájirıbeden ótkenin, esepterin tapsyrǵanyn aıta kele sharýashylyqpen baılanysqa shyǵyp, qalǵan qajetti derekterge qolushyn berýdi surańdar dedi. Bul jerde­ aı­typ keterimiz, «Baıserke-Agro» JShS ýnıversıtetimizben kópten tyǵyz qarym-qatynasta bolatyn. Tek «Mal sharýashylyǵy» mamandyǵy ǵana emes, agronomdar men mal dárigerleri de jylda tájirıbeden ótedi. О́ıtkeni «Baıserke-Agro» respýblıkadaǵy al­dyńǵy qatarly et jáne sút baǵy­tyn­daǵy asyl tuqymdy iri qara mal ósi­rý­men, qoı, jylqy, túıe jáne ósimdik sharýashylyǵy jáne t.b. aınalysatyn kópsalaly ag­ro­­­­holdıng. Osy jaǵdaıdy eskere kele sharýashylyqtyń dırektory M.Álıevpen baılanysqa shyǵyp, jaǵ­daıdy aıttyq. Bizdiń ótinishimizge shar­ýa­shylyq basshylyǵy túsinistikpen qarap, tıisti mamandarǵa tapsyrma beriletinin jetkizdi. Bizge bekitilgen úsh stýdenttiń taqyryby sport­tyq ba­ǵyt­taǵy jylqy sharýashylyǵy bola­tyn. Sharýashylyqtyń osy salaǵa jaýap­ty mamandary Mádı Qaıyrhan, Elena Tursynova bizben baılanysqa shy­ǵyp, qajet málimetter, derektermen qam­­tamasyz etýge nıet bildirdi. Qa­zir alyn­ǵan derekterdi Sh.Baqyt, S.Aıt­murat, Á.Nur­ma­hanbetova sekildi stý­dent­­ter taldap zerdeleý ústinde.

Sóıtip tyǵyryqtan shyǵatyn jol taby­lyp, másele ońtaıly sheshimin tapty. 

О́mirzaq SULTANOV,

S.Seıfýllın atyndaǵy Qazaq agrotehnıkalyq ýnıversıtetiniń dosenti