Uly aqyn hám aǵartýshynyń 175 jyldyǵyna arnalǵan onlaın basqosýǵa otandyq jáne sheteldik abaıtanýshy ǵalymdar men ǵylymı-zertteý mekemeleriniń qyzmetkerleri qatysady.

Qyzdar ýnıversıtetiniń Qazaq ádebıeti kafedrasynyń muryndyq bolýymen uıymdastyrylatyn konferensııa jumysy úsh seksııa boıynsha júrgizilmek. Atap aıtqanda, jıyn qatysýshylary «Abaıdyń ádebı murasy: tarıhy jáne zerttelýi», «Abaı danalyǵy jáne ulttyq rýhanı qundylyqtar» jáne «Abaıtaný» pánin oqytýdyń ózekti máseleleri» baǵyttary boıynsha keleli oılarymen bólisip, baıandamalar jasaıdy.

– Konferensııanyń basty maqsaty – álemdik deńgeıde tanylǵan uly aqyn muralaryndaǵy árbir sózdi sanaǵa sińirý, barsha otandastarymyzdyń jáne túrki halyqtarynyń boıynda ulttyq rýhanı qundylyqtardy qalyptastyrý. Sonymen qatar adamzattyń aqylmanyna aınalǵan oıshyldyń shyǵarmashylyq murasyn da dáripteýdi kózdep otyrmyz. Hákimniń dana oılary men poezııasy álemdik ádebı qazynaǵa qosylǵan teńdessiz baılyq ekenin taǵy da dáleldegimiz keledi, – deıdi Qazaq ádebıeti kafedrasynyń meńgerýshisi Bolathan Sarbasov.

Jıynda «Eýrazııa perspektıvasy» kompanııasynyń prezıdenti Zıfa-Alýa Áýezova, Túrkııanyń Mýgla Sytky Kochman ýnıversıtetiniń professory Ikram Aıan, Polshanyń Varshava ýnıversıtetiniń doktoranty Jandos Karınbaev, M.Áýezov atyndaǵy Ádebıetjáne óner ınstıtýtynyń Abaıtaný jáne jańa dáýir ádebıeti bóliminiń meńgerýshisi Serikqazy Qorabaı, Abaıdyń «Jıdebaı-Bórili»memlekettik tarıhı-mádenıjáne ádebı-memorıaldyqqoryq-mýzeıiniń dırektory Shanbaı Turdyqul, S.Amanjolov atyndaǵy Shyǵys Qazaqstan memlekettik ýnıversıtetiniń Abaıtaný ǵylymı-zertteý ınstıtýtynyń dırektory Aıjan Kartaeva, Qazaq ulttyq qyzdar pedagogıkalyq ýnıversıtetiniń professory, abaıtanýshy ǵalym Rýda Zaıkenova jáne taǵy da basqa izdenýshiler taqyryp tóńireginde mazmundy oı aıtyp, paıymdy pikir bildirmek.

Sondaı-aq konferensııaǵa Túrkııanyń Ege ýnıversıteti, ál-Farabı atyndaǵy Qazaq ulttyq ýnıversıteti, Abaı atyndaǵy Qazaq ulttyq pedagogıkalyq ýnıversıteti, Sýleıman Demırel atyndaǵy ýnıversıtet, Shákárim atyndaǵy Semeı memlekettik ýnıversıteti, I. Jansúgirov atyndaǵy Jetisý memlekettik ýnıversıteti, Qorqyt Ata atyndaǵy Qyzylorda memlekettik ýnıversıteti, Arqalyq memlekettik pedagogıkalyq ınstıtýty, H. Dosmuhametov atyndaǵy Atyraý memlekettik ýnıversıteti, «Qaınar» akademııasy jáne Eýrazııa gýmanıtarlyq ınstıtýtynyń oqytýshylary men jas izdenýshileri qatysady.

– Abaı murasy rýhanı qundylyqtardyń qaınar kózi, ulttyq sanany jańǵyrtýdyń negizi. Abaıdyń shyǵarmalaryn ulyqtaý maqsatynda mundaı sharalardyń ótkizilýi – zamanaýı qazaq eliniń damýyna jol ashpaq. Hákimniń 175 jyldyq mereıtoıyn joǵary uıymdastyrýshylyq jáne mazmundyq deńgeıde merekeleýdi qamtamasyz etý – ýaqyt talaby, – deıdi konferensııa uıymdastyrýshylary

ALMATY