Sýret: novate.ru
Onyń qalpy dóńgelek bolǵandyqtan múlde jańa form-faktorǵa ıe bolyp otyr. Smartfondy jasaýshylar qarapaıym kompas ony jasaýǵa túrtki bolǵanyn jáne onyń formasy negizge alynǵanyn aıtady.
Qurylǵyda barlyq aqparattyń bir terezege shoǵyrlandyrýy qyzyǵýshylyq týdyratynyna konsept avtorlary senimdi. Saǵat tek ýaqytty ǵana kórsetpeıdi, ol arqyly áleýmettik belsendilikti de basqarýǵa bolady. Navıgator retinde jumys istemeýi múmkin, biraq kompas retinde qyzmet ete alady. Ne aıtyp ketti demeńiz. Osynda biraz jyldar buryn ǵana telefonnyń betin sıpap otyrasyz dese, sener me edińiz? Álbette, joq. Al, qazir smartfon dıspleıiniń betin sıpamaıtyn adam joqtyń qasy bolyp barady.
Smartfonnyń eń tartymdy jeri - ol adamdy barynsha ınternet-táýeldilikten birtindep bosatý. Bul bir qaraǵanda túsiniksiz kórinýi múmkin. Biraq bolashaqta júzege asatyn keremet ıdeıa bolmaqshy. Qazirgi tańda kez kelgen adam ınternetke baılanyp, vırtýaldy ómir qurbanyna qalaı aınalyp bara jatqanymyzdy sezbeýdemiz. Balalar men jas jetkinshekter úshin bul taqyryp tipten qıyn másele bolyp otyrǵanyn bárimiz de bilemiz.
Kamerasy múlde qyzyq jumys isteıdi. Onyń ınterfeısi dóńgelek bolmaqshy. Sýretke túsiretin beıneńizdi jaqyndatý, alystatý nemese fokýsqa alý úshin smartfonǵa janaspaı-aq aýada obektıv buraǵandaı qımyldar jasasańyz bolǵany. Artynan ekrandy túrte salyp, sýretke shyrt etkizip túsiresiz. Osyndaı ádispen daýysyn retteı alasyz. Munyń barlyǵy akselerometr jáne gıroskop sııaqty datchıkter arqyly júzege asady.
Gadjet Firefox OS operasııalyq júıesimen basqarylady. Atalmysh júıe keń taralmaǵanmen bolashaqta onyń qoldaný keńistigi ábden artýy múmkin.
Bir qaraǵanda bári qııal-ǵajaıyp dúnıe sııaqty kóringenmen qazirgi tehnologııanyń kún sanap emes, saǵat sanap damyǵan zamanynda jaqyn arada bul shyndyqqa aınalatyny sózsiz.
