Atyraý jáne Mańǵystaý oblystarynyń ardagerleri úshin 20 syılyq sertıfıkaty daıyndalypty. Elektrondyq sertıfıkattar tek qana sertıfıkat alýshy biletin biregeı kodpen qorǵalypty. Sertıfıkat kýálikti kórsetken kezde ǵana jaramdy bolady. NCOC kompanııasy basqarýshy dırektorynyń orynbasary Ermek Marabaev elektrondy sertıfıkattardy Atyraý jáne Mańǵystaý oblystyq ardagerler keńesiniń tóraǵalary Qatımolla Rızýanov pen Serikbaı Tóletovke tapsyrdy.
– Biz 75 jyl boıy ashtyq pen joqtyq taýqymetin kórmeı, ashyq aspan astynda ómir súrip, eńbek etýdemiz. Bul Jeńis bizge qymbatqa tústi. Maıdangerlerimiz erligimen, qaısarlyǵymen Otandy qorǵaýdy, súıýdi kórsetti. Bıyl ókinishke oraı, karantın shekteýlerine baılanysty, ardagerlerimizben júzdese almadyq. Desek te, biz NCOC kompanııasy atynan ár ardagerge syılyq retinde 750 000 teńge turatyn sertıfıkat daıyndadyq, - dedi Ermek Marabaev.
