«11-synyp túlekterine attestat 3-4 maýsymda tapsyrylady. Jyl saıyn bul is-shara maýsym aıynyń ortasynda ótkiziletin. Biraq mektep bitirýshileri úshin qorytyndy attestattaý emtıhandary ótkizilmeıtinin jáne UBT-ǵa qashyqtan daıyndalý qajettiligin eskere otyryp, bul is-sharany maýsym aıynyń basyndy ótkizý týraly sheshim qabyldadyq. Is-shara aıasynda saltanatty túrde attestattar tapsyrylyp, 11-synyp túlekteri úshin sońǵy qońyraý soǵylady», dedi Sh.Karınova.
Mınıstrlik atalǵan is-sharanyń mindetti túrde mektep aýmaǵynda, ashyq aýada, qonaqtarsyz, tek túlekterdiń qatysýymen jáne sanıtarlyq normalardy saqtaı otyryp ótýi tıis ekenin jáne attestat tapsyrý rásimine mektep formasynda kelý usynylatynyn málimdedi.
Vedomstvo sondaı-aq, saltanatty jıynnan keıin Ekologııa, geologııa jáne tabıǵı resýrstar mınıstrligimen birlesip, aǵash otyrǵyzý aksııasyn ótkizý josparlanyp otyrǵanyn habarlady. Keıingi jyldary mundaı aksııa dástúrli túrde 25 mamyrǵa oraı uıymdastyrylady.
