YNTYMAQTASTYQ RAIYNDAǴY KEZDESÝLER

Iordanııa eline jumys babymen kelgen Qazaqstan Respýblıkasy Úkimetiniń basshysy Kárim Másimov sáýirdiń 5-inde Amman qalasynda Ior­danııa Hashımıt Koroldiginiń Premer-mınıstri Samır ál-Rıfaı­men kezdesti, dep habarlady Premer-Mınıstrdiń baspasóz qyzmeti. Kezdesý kezinde Qazaqstan men Iordanııa arasyndaǵy saýda-eko­no­mıkalyq jáne ınvestısııalyq ynty­maqtastyqty odan ári damy­tý­dyń keń aýqymdy máseleleri talqylandy. Aýyl sharýashylyǵy salasynda, atap aıtqanda, astyqty eksporttaý jáne qazaqstandyq aýyl sharýashylyǵy ónimderin Ior­danııaǵa tasymaldaý, sondaı-aq densaýlyq saqtaý jáne qorǵanys ónerkásibi salasyndaǵy ózara is-qımyldyń perspektıvalary qa­ral­dy. Osy júzdesý aýqymynda eki eldiń syrtqy ister mınıstr­lik­teri arasynda ózara túsinistik tý­raly memorandýmǵa qol qoıyldy. “Iordanııa Qazaqstanmen ózara tıimdi saýda-ekonomıkalyq jáne ın­vestısııalyq yntymaqtastyqty ke­ńeı­týge zor mańyz beredi. Biz qazaq­standyq kásipkerlerge Ior­da­nııaǵa óz qarjysyn salýdy usyn­ǵymyz keledi”, — dep atap ótti Samır ál-Rıfaı. “Bizdiń elderimiz arasyndaǵy qaty­nastarǵa kóshbasshylar Qazaqstan Respýblıkasynyń Prezıdenti Nursul­tan Nazarbaev pen Joǵary mártebeli Korol Abdalla II arasyndaǵy jyly shyraıly jáne dostyq ráýishtegi ózara túsinistik negiz qalap otyr. Bizde eki­jaq­ty qatynastardy, sonyń ishinde Qa­zaqstan men Iordanııa ınvestısııa­laryn yntalandyrýǵa múmkindik bar”, — dep atap kórsetti K.Másimov. Keshe Qazaqstan  Premer-Mı­nıs­tri Kárim Másimov sondaı-aq Ior­da­nııa Koroli Abdalla II-men kezdesti. Suhbattasýshylar ót­ken ekijaqty kelissózderdiń qory­tyndylaryn shy­ǵar­dy. Kezdesýdiń sońynda taraptar Qazaqstan-Ior­danııa úkimetaralyq komıssııasy ekijaqty saýda-ekono­mı­kalyq baı­lanystardy jandandyrýda jáne oıdaǵydaı damytýda mańyz­dy ról atqarýy tıis dep atap ótti.