«Elordada kommýnaldyq shyǵyndy jabýǵa beriletin 15 myń teńgeni alý úshin KKKOMTOLEM.KZ saıty arqyly jáne KOMTOLEM telegram-boty arqyly ótinim berýge bolady. О́tinim maýsym aıynyń ortasyna deıin qabyldanady. Sonymen qatar 28-09-59 nómiri boıynsha koll-ortalyqtyń jumysy uıymdastyryldy. Azamattar ol jerden tehnıkalyq kómek alyp, suraqtaryn qoıa alady», - dedi Baqtııar Máken.
Onyń aıtýynsha, kommýnaldyq qyzmet úshin tólem «Astana ERS» JShS shotyna aqshany aýdarý jolymen júrgiziledi.
«Jaqynda ǵana Indýstrııa jáne ınfraqurylymdyq damý mınıstrligi erejelerge ózgeris engizgen edi. Endigi kezekte áleýmettik álsiz toptaǵy otbasynyń múshesi ótinimdi bere alady», - dedi ol.
