«Tabıǵat zańy eshqashan óz dəstúrinen jańylǵan emes. Dəl osy kezeń kıik tóldep, quralaıyn órgizetin sət. Mamyrdyń basynda bastalyp, birneshe aptaǵa sozylatyn qazaq aıtatyn «quralaıdyń salqyny» kelip jetti. О́tken jyly saıyn dalamyzda 335 myń kıik esepke alyndy. О́kinishke qaraı, bıyl kıik sanyn əýeden kóktemgi sanaý tótenshe jaǵdaı rejimine baılanysty keıinge shegerildi. Bul jumys kúzde jalǵasady», - dep jazdy Maǵzum Myrzaǵalıev.
Sondaı-aq jazbada ınspektorlardyń kıik tólin órgizetin jerlerdi aıryqsha qorǵaýǵa kiriskeni jaıynda aıtylǵan.
«Kúsh qurylymdarmen birge brakonerlikti boldyrmaý maqsatyndaǵy «Kıik» keń aýqymdy aksııasy iske asyrylýda. Mamandar da aqbókenderdiń hal-ahýalyn jiti qadaǵalap otyr. Tabıǵat óz perzentine meıirimin tógip, mań daladaǵy kıik sany kóbeıe túsedi dep úmittenemin», - delingen jazbada.
