Sonyń nátıjesinde epıdemııalyq jaǵdaı turaqtanyp, qalamyzda búginnen bastap birqatar engizilgen shekteýler alynýda. Alaıda turǵyndardyń qaýipsizdigi úshin Shymkentte karantın rejımi 25 mamyrǵa deıin jalǵasady. Bul rette qazir qalanyń kireberisterinde 18 blok-beket jumys istep tur. Barlyq jaǵdaı qatań baqylaýda.
- Búginde qalamyzda koronavırýs indetimen 233 azamat tirkelip otyr. Jalpy 130 azamat saýyǵyp shyqqan. Qazirgi tańda Shymkent qalalyq juqpaly aýrýlar aýrýhanasynda 117 adam emdelýde. Qalada qaýipti indetke qatysty 32 oshaq bar. Onyń 28-i turǵyn úıge, 4-i nysandarǵa baılanysty karantındik oshaqtar. Infeksııany juqtyrǵan azamattarmen baılanysta bolǵan azamattarǵa arnaıy algorıtm bekitilip, turaqty baqylaýǵa alynyp, der kezinde tıisti em-dom jasalýda, - dedi qala ákiminiń birinshi orynbasary.
Aıta keterligi, karantındik rejımge baılanysty densaýlyq salasynda qyzmet etip júrgen birqatar azamattarǵa da kómek kórsetilýde. Iаǵnı, jalaqylaryna ústemaqy tólenýde. Sonymen qatar, qaýipti oshaqtarda qyzmet etip júrgen dárigerler men meıirbıkelerge qonaqúılerden arnaıy oryn berilgen. Loboratorııa men dezınfeksııa jumystaryn júrgizetin mamandar da qonaqúılerge ornalasty. Oǵan qosa qalamyzdaǵy eki jataqhanada 300 densaýlyq saqtaý salasynyń qyzmetkerleri oqshaýlanyp, jumysyn jalǵastyrýda.
