Internet arqyly qashyqtan jumys isteý ónimniń jańa naryqtaryn ashýǵa jáne tapsyrys berýshilerdiń tapsyrystaryna jyldam jaýap berýge múmkindik berdi. Bul básekelestiktiń artýyna, satylymnyń ósýine aıtarlyqtaı yqpal etetini túsinikti.
Osy rette pandemııaǵa baılanysty daǵdarys jaǵdaıynda 85 paıyzǵa jýyq qyzmet túri qashyqtan qyzmet kórsetý formatyn paıdalanǵanyn aıta ketý kerek. Árıne, sıfrly ekonomıkadaǵy mundaı progress adamdardyń ómirin edáýir jeńildetedi.
Búginde ekonomıka men qoǵamnyń damýyn anyqtaıtyn ǵalamdyq damý tendensııasy sıfrly ekonomıkany qalyptastyrýda. Prezıdent Qasym-Jomart Toqaevtyń keshe tótenshe jaǵdaı rejimin qamtamasyz etý jónindegi memlekettik komıssııanyń qorytyndy otyrysynda bıznes pen memleket arasyndaǵy qarym-qatynas tolyǵymen sıfrly formatqa, ıaǵnı qarym-qatynassyz júıege kóshýi tıis degen tapsyrmasyn zaman talabynan qalys qalmaý dep qabyldaǵanymyz durys. О́ıtkeni jumysty qashyqtan isteýdiń sátti formaty mańyzdy memlekettik sheshimdi qabyldaýda jańa tehnologııalardy qoldanýdyń qajettigin kórsetti.
Memleket basshysy ekonomıka men qoǵamdy sıfrlandyrý prosesteriniń bárine jańa serpin berýdiń mańyzy zor ekenin atap ótti. Ol oryndy dep sanaımyn.
Ajar BEISENBAEVA,
ekonomıst
