– Bilim jáne ǵylym mınıstrligi tarapynan UBDQ (Ulttyq bilim berý derekter qory) júıesin jańartý boıynsha júrgizilgen jumystar aıaqtalýǵa jaqyn.
Endi barlyq ózekti aqparat biryńǵaı bazada jınaqtalady, sondyqtan qajetti málimet alý úshin saýal hattar jiberip, jaýap kútýge ýaqyt shyǵyndamaýǵa bolady. Memlekettik qurylymdardan (ákimdikter, bilim berý, polısııa bólimderi, sanıtarlyq-epıdemıologııalyq qyzmet, ÚEU, biliktilikti arttyrý ınstıtýttary men ádistemelik kabınetter jáne t.b.) kelip túsetin kóptegen saýaldarǵa jaýap daıyndaý qaǵazbastylyqtan arylýǵa múmkindik bermeıdi jáne ýaqyt shyǵynyn talap etedi, – dedi mınıstr.
A.Aımaǵambetovtyń aıtýynsha, balanyń balabaqshadaǵy, keıin mekteptegi, kolledj nemese JOO-daǵy úlgerimi jaıly aqparat, bilim berý mekemelerindegi tolyq málimet bazada qamtylady. Sondyqtan mektep basshylaryna saýal hattarǵa jaýap berýge ýaqyt jumsaýdyń endi qajeti joq.
– Biz bilim berý bólimderi men basqarmalaryna aqparat qajet bolǵan jaǵdaıda bilim berý mekemelerine saýal joldaýǵa tıym saldyq. Degenmen, áli keıbir mamandar qajet málimetti UBDQ-dan alǵannan góri mektepterge saýal hat jiberýdi ońaı kóredi. Biraq, bul ádetten arylý qajet. Jańa erejelerdi elemeıtinderge ákimshilik jáne tártiptik sıpattaǵy sharalar qoldanylady, – dedi vedomstvo basshysy.
