Esterińizge salamyz, QR Eńbek kodeksiniń 96-babyna sáıkes, Qurban aıttyń tek birinshi kúni demalys kúni retinde bekitilgen. Al demalys kúnderi senbi ne jeksenbi kúnine týra kelse, basqa kúnge aýystyrylady.
Sonymen qatar, «Qazaqstan Respýblıkasyndaǵy memlekettik merekeler týraly» Zańynda bylaı dep kórsetilgen: «QR ulttyq jáne memlekettik merekeler Qazaqstan Respýblıkasynyń eńbek zańnamasyna sáıkes, mereke kúnderi bolyp sanalady».
Qurban aıt (qurban shalý merekesi) – qajylyq maýsymynyń aıaqtalar kezeńinde toılanatyn musylmandar merekesi. Qurban shalý dástúri – Ibrahım paıǵambardan qalǵan súnnet. Ol hıjra jyl sanaýy boıynsha, on ekinshi aıdyń onynshy kúnine týra keledi, ıaǵnı, Ramazan aıt merekesinen keıin 70 kún ótkende toılanady.
