Ýkraına úkimetiniń sheteldikterge, sonyń ishinde Qytaıǵa jer satýǵa nemese jalǵa berýge quqy joq. Bul týraly Ýkraınanyń «KSG Agro» holdınginiń basshysy Sergeı Kasıanov málimdedi dep habarlady ITAR-TASS.
Buǵan deıin Ýkraına 3 mln. gektar jerin 50 jylǵa Qytaıǵa jalǵa berýge kelisimshartqa otyrdy degen habar aqparat álemin jaýlap alǵan bolatyn. Endi osy daqpyrtqa baılanysty Ýkraınanyń tıisti organdary jurtqa túsinik berip áýre bolyp jatyr.
Joǵaryda aıtylǵan Sergeı Kasıanovtyń málimdeýinshe, «KSG Agro» holdıngi men Qytaıdyń «Xinjiang Production and Construction» kompanııasyarasynda 2013 jylǵy 31 mamyrda azyq-túlik ónimderin birlese óndirý jóninde kelisim jasalǵan. Sondaı-aq, ýkraınalyqtar buǵan deıin aýylsharýashylyǵy maqsatyndaǵy 2,5 mln. gektardan astam jerin qytaılyqtarmen birlese óńdep kelgen. Álgindegi kelisimge saı, eki jaq 3 mln. gektarǵa deıingi alqapty birlese óńdep shyǵýǵa ýaǵdalasqan. Mine, osy nıetti keıbir aqparat quraldary óńin aınaldyryp, basqasha mazmunda taratyp jibergenge uqsaıdy. Sóıtip,
Ýkraına Qytaıǵa 3 mln. gektar jerin jalǵa bergeli otyr degen aqparat jeldeı ese jónelgenge uqsaıdy.
Jalpy, Ýkraınanyń Qytaıǵa jerdi jalǵa berdi degen rastalmaǵan aqparattyń bastaý kózi Qytaıdyń «Hýansıý shıbao» basylymy bolǵan sekildi. О́ıtkeni, atalmysh gazet sol kezderi óziniń betterinde: «Qytaıdyń «Xinjiang Production» jáne «Cjnstruction Corps» fırmalary Ýkraınanyń memlekettik «KSG Agro» atty aýylsharýashylyq kompanııasymen kelisimshart jasasty. Oǵan sáıkes, Qytaı fermerlerine alǵashqy kezeńde Dnepropetrovsk oblysynan 100 myń gektar jer jalǵa beriledi. Jer kólemi birtindep úsh mıllıon gektarǵa deıin ulǵaıady. Jer egistik maqsatyna jáne mal ósirýge paıdalanylady. Kelisim júzege assa, Ýkraına Qytaıdyń shetelderdegi eń iri fermerlik ortalyǵyna aınalady» dep jazǵan kórinedi.
Joldybaı Bazar
