Oblysta jalpy bilim beretin 556 mektep, mektepke deıingi 224 uıym jáne 33 kolledj jumys isteıdi. Bıyl daǵdarysqa qarsy jospar aıasynda «Jumyspen qamtýdyń jol kartasy-2020» baǵdarlamasy iske qosyldy. Osy baǵdarlama aıasynda 102 bilim berý mekemesi jóndeledi.
– Bul jumystarǵa shamamen 8,8 mıllıard teńge bólindi. Búgingi tańda 94 nysanda kelisim-shart jasaldy. Al qalǵan bilim oshaqtary konkýrstyq rásimder júrgizilip jatyr. Búgingi kúni 30 nysanda jumys bastaldy. Bir nysanda jóndeý jumysy aıaqtaldy, – deıdi oblystyq bilim basqarmasynyń jetekshisi Beıbit Júsipov.
Aıaqtalǵan nysandardyń biri – Jaqsy aýdanynda. Sondaı-aq «Aýyl – el besigi» baǵdarlamasy aıasynda 1,2 mıllıard teńge bólingen. Bul qarajat oblystyń bes aýdanyndaǵy jeti mekemeni kúrdeli jáne aǵymdaǵy jóndeýge baǵyttalǵan. Budan basqa oblys ortalyǵynda úsh mektepke japsarlanǵan qurylys salý jumystary da jalǵasýda.
№13 mektep-gımzanııada bastalǵan qosymsha qurylys jumystary qarasha aıynda aıaqtalady dep kútilýde. Osylaısha oblystaǵy bilim oshaqtary jańa oqý jylyna deıin ajarlanyp qalmaq.
