Reseıdiń Chıta qalasynda jyldamdyǵy shamamen 25-35m/s bolatyn qatty jel boldy. Saldarynan úılerdiń shatyry búlingen, aǵashtar men elektr jaryǵy tartylǵan baǵandar qulap, edektr jelilerinde apat bolǵan. Sınoptıkter 13 mamyrdyń ekinshi jartysy men 14 mamyrda Zabaıkal ólkesinde jyldamdyǵy 30m/s bolatyn qatty jel bolady dep boljaýda.
Ýkraınanyń Kolomyıa qalasynda alapat daýyl soqty. Qumdy daýyldan kóshedegi joldar kórinbeı, eki kólik soqtyǵysty. Zardap shekkender joq. Qalada qaýiptiń sary deńgeıi jarııalandy.
Federatıvti Somalı Respýblıkasynyń Hıran aýdanyndaǵy Beledveın qalasynda kóp mólsherde nóser jańbyr jaýdy. Jańbyr sýynyń kóptiginen Shabelle ózeniniń sý deńgeıi kóterilip, jergilikti jerde sý tasqyny boldy. 1000-ǵa jýyq balalar men olardyń otbasylary úısiz qaldy. 200-den asa adam evakýasııalandy. 27 aýdannyń 16 adamy qaıtys boldy.
Prıbaltıkada, Reseıdiń soltústik-batys aýdandarynda, Lıtva jáne Latvııada qar jaýdy. Latvııalyq Baýsk jáne Daýgavpıls qalalarynda jaýǵan qar el tarıhyndaǵy eń kesh jaýǵan qar oqıǵasy bolyp tirkeldi.
Reseıdiń Soltústik batys aýdandarynda sýyq atmosferalyq fronttyń ótýine baılanysty kún sýytty. Kalınıngrad, Lenıngrad, Pskovsk, Novgorod syndy birqatar oblystyń aýdandarynda qar jaýdy.
Tynyq muhıtynyń ońtústigindegi Santa-Krýs aralynda magnıtýdasy 6,6 bolatyn jer silkinisi boldy. Epısentri Lata qalasynyń ońtústik shyǵysyndaǵy Nendo aralynan 173 km jerde, al gıposentri 112 km tereńdikte ornalasqan.
Býrıatııada qatty daýyl boldy. 12 mamyrdyń ekinshi jartysynda respýblıkada qatty jel soqty. Jel Sosnovo-Ozıorskoe aýyly mektebiniń shatyryn ushyryp áketken. Sondaı-aq basqa da ǵımarattarǵa zaqym kelgen.
Indonezııanyń Chıkýmpaı Pýrvakarta aýylyndaǵy plastıkalyq buıymdar shyǵaratyn zaýytta órt boldy. Tilsiz jaý 10 órt sóndirýshi kólikterdiń kúshimen 6 saǵattan keıin sóndirilgen. Zaýyttyń 2 jumysshysy qaıtys boldy.
