Olar «UOS ardagerleri, tyldaǵy eńbekkerler jáne soǵys balalary keńesi» QQ-nyń menedjeri Qańtarbaeva Maınur apaıdyń usynysymen Áýezov aýdanynyń turǵyndary, Uly Otan soǵysynyń batyrlary: Holkına Varvara Fedorovnany, Shapovala Grıgorıı Efımovıchti, Kerimqulov Jańbyrbaı Kerimqululyn, Asqarbaev Jarqoshy Naýryzbaıulyn Jeńis kúnimen quttyqtap, syılyqtaryn usyndy. Jastyq shaǵyn maıdan dalasynda ótkergen ardagerler surapyl soǵys jyldaryn, eske aldy.
Ardager Kerimqulov Jańbyrbaı 18 jasynda Ońtústik Batys frontynda «Katıýsha» zeńbireginiń oqtaýshysy bolǵanyn, Ýkraın, Dnepr, Polsha, Bolgarııa jerin fashısterden azat etý joryǵyna qatysyp, elge 1947 jyly oralǵanyn baıandady. Al, Asqarbaev Jarqoshy atamyzdyń Uly Otan soǵysyndaǵy jaýyngerlik mindetti Berlınnen asyp, Japon soǵysyna jalǵasqan eken. Osyndaı atalarymyzdyń Beıbit ómir úshin qan maıdanda arpalysqan, urys dalasynda jolbarystaı aıqasqan erligi urpaqatan urpaqqa amanat. Ardagerler Jeńis kúnimen quttyqtap kelgen ujymǵa rızashylyq sezimmen alǵystaryn bildirdi.
Búgingi urpaq Táýelsiz elimizdiń beıbit ómiri úshin qan keship, muz jastanǵan jaýyngerdiń qasıetti rýhyna máńgi qaryzdar. Erligi ańyzǵa aınalǵan ardagerlerimizge taǵzym etemiz. Jaýynger dańqy óshpeıdi.
