Jobany júzege asyrý úsh jylǵa josparlanǵan. Qarjy respýblıkalyq jáne jergilikti bıýdjetten bólinip otyr. Qazirgi tańda jumys kóleminiń 80 prosenti oryndaldy. «Aqsý-Bestóbe-Izobılnoe» baǵytyndaǵy avtojol 60 jyl boıy jóndeý kórmegen bolatyn. Jobalyq-smetalyq qujattamany memlekettik-jekemenshik áriptestik aıasynda «Qazaqaltyn» kompanııasy ázirlegen. 2018 jyly «Kókshetaý joldary» kásiporny qurylys jumystaryn bastaǵan edi. Qazir Aqsý men Bestóbe arasyndaǵy 70 shaqyrym jolǵa jamylǵy tóseý jumystary aıaqtaldy.
–Bir aıdan soń bul baǵytta da jańa jol paıdalanýǵa beriledi. Endi jóndeletin 16 shaqyrymy qaldy,–deıdi Bestóbe kentiniń ákimi Musylmanbek Ismaǵulov.
Bestóbe kentinde 7 myńǵa tarta turǵyn bar. Onyń 60 prosentii jumyspen qamtylǵandar. О́ńir ekonomıkasyna basymdyq berilgen baǵyttarynyń biri – shaǵyn jáne orta bıznes. Bul rette joldyń qalypqa keltirilýi aımaq úshin ekonomıkalyq magıstral qyzmetin atqarady.
–Jol joqta qatty qınalatyn edik. Qazir barlyǵy qalypqa keltirildi. Qazir aýyldarǵa kóp kóńil bólinip otyr. Endi adamdar aýyldan kóship ketýin toqtatady dep oılaımyn,–deıdi Bestóbe kentiniń turǵyny Serik Áıipov.
Bestóbede túıini tarqamaǵan máseleler qatarynda: eldimeken ishilik joldardy jóndeý, 36 kósheni jaryqtandyrý, muǵalimder men medısına mamandaryn tartý jáne mal azyǵy, jaıylym jerleriniń jetispeýshiligi bar. Turǵyndar bul máseleler de sheshim tabady degen senimde.
