Kelisim kedendik jáne salyqtyq tólemderdi tóleýden jaltarýdyń ártúrli kestelerin paıdalanýdy boldyrmaıtyn sharttar jasaýǵa, taýarlardy Eýarazııalyq ekonomıkalyq odaqqa múshe bir memlekettiń aýmaǵynan ekinshisiniń aýmaǵyna tasymaldaý kezinde taýarlar aınalymynyń zańdylyǵyn rastaýǵa jáne taýar aınalymyna baılanysty operasııalarǵa baqylaýdy qamtamasyz etýge baǵyttalǵan.
Sondaı-aq kelisim EAEO-ǵa árbir múshe memlekettiń EAEO kedendik aýmaǵyna ákelingen taýarlardy qadaǵalaýdyń ulttyq júıesin qurý, ulttyq qadaǵalap otyrý júıesinen EAEO aqparattyq platformasy arqyly aqparat almasý, qadaǵalap otyrý tetiginiń jumysyn iske qosý jónindegi pılottyq jobany júrgizý jáne qadaǵalap otyrý tetiginiń turaqty negizde jumys isteýin qamtamasyz etýdi qarastyrady.
Qarjy mınıstriniń orynbasary Qanat Baedilov óz baıandamasynda taýarlarlardy qadaǵalaý júıesin engizý EAEO aýmaǵymen qatar transshekaralyq qozǵalys kezinde taýar aınalymynyń zańdylyǵyn qamtamasyz etýge jáne zańsyz taýar aınalymyna yqpal etetin jaǵdaılardy joıýǵa múmkindik beretindigin aıtty.
«Kelisim ishki tutyný úshin kedendik rásimdeýge alynǵan, tárkilengen jáne memlekettik kiriske aınalǵan taýar aınalymyna qatysty quqyqtyq qatynastarǵa, sondaı-aq keden organdary ustaǵan jáne qajetti ókilettikteri bar adamdar izdemegen osyndaı taýarlarǵa qatysty qoldanylady», - dedi Q.Baedilov.
Zań jobasyn qabyldaý zańsyz taýar aınalymy týyndaıtyn jaǵdaılardy joıatyn tetik jasaýǵa, taýarlardy tańbalanýmen birge «óndirý-jetkizý-ótkizý» tizbegi boıynsha qozǵalystyń barlyq deńgeıinde úzdiksiz qadaǵalap otyrý ónimniń mártebesin baqylaýǵa jáne monıtorıngileýge múmkindik beredi. EAEO aýmaǵynda taýarlardy bıznes úshin tasymaldaý kezinde taýar aınalymynyń zańdylyǵyn elektrondy rastaý básekege qabilettilikti jáne ónimdi ótkizý naryǵyn keńeıtýdi arttyrady. Odan basqa, ulttyq qadaǵalap otyrý júıesinen alynǵan málimetterdiń negizinde taýarlardy qujattamalyq sáıkestendirý taýarlar aınalymy boıynsha durys derekterdi alýdaǵy bıznes shyǵyndaryn azaıtýǵa múmkindik beredi. Memleket úshin kedendik jáne salyqtyq tólemderdi tóleýden jaltarý shemalaryn paıdalanýdy boldyrmaıtyn jaǵdaılar jasaý kedendik jáne salyqtyq tólemderdiń jınalýyn arttyrýǵa tikeleı áser etedi.
Qujat Palata otyrysynyń qaraýyna jiberildi.
