Joǵarǵy palata usynǵan ózgertýler ishinde azamattardyń beıbit jıyn ótkizý quqyǵyn qoldaıtyn, mıtıngiler uıymdastyrý tártibin jeńildetetin normalar bar. Eń aldymen, senatorlar jıyn ótetin arnaıy oryndardyń sanyn júıelendirýdi usyndy. Olar arnaıy oryndar sany ár aýdanda úsheýden kem bolmaýy kerek degen ustanymdaryn bildirdi. Osylaısha, Nur-Sultan, Shymkent qalalarynda mıtıng ótkizýge arnalǵan jerler 12-den kem bolmasa, Almaty qalasynda 24 alań bolmaq.
Ekinshiden, mıtıng uıymdastyrýshylardyń mindetterin qaıta qaraýdy usyndy. Olardyń aıtýynsha, jaýaptylardyń mindetteri jobada qarastyrylǵan 13 bólimnen 10-ǵa deıin qysqartylýy kerek. Ásirese jıynǵa qatysýshylardyń betterin búrkemeleý múmkindigin shekteýdi alyp tastaýdy talap etip otyr. Kerisinshe búgingideı karantın jaǵdaıyn eskere otyra, uıymdastyrýshylar men mıtıngke qatysýshylarǵa jeke basynyń saqtyǵy maqsatynda maskalar sııaqty sanıtarlyq quraldarǵa ruqsat berý kerek deıdi.
Jalpy, «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» zań jobasy qoǵamdyq talqylaý men kelisimnen ótti. Zań konsepsııasynyń tanystyrylymy maqsatynda respýblıkanyń aımaqtarynda qoǵamdyq talqylaýlar uıymdastyryldy. Májilistiń jumys tobyna qoǵam qaıratkerleri atsalysyp, Ulttyq qoǵamdyq senim keńesiniń músheleri de boı kórsetti. Zań jobasy halyqaralyq uıymdar tarapynan jaqsy baǵalandy. Ásirese Nur-Sultandaǵy EQYU baǵdarlamalar ofısiniń basshysy Derd Sabo jobanyń jasalý prosesi meılinshe dıskýssııaǵa ashyq bolǵanyn aıtyp, oń kózqaras tanytty.
Janar TО́LENDINOVA,
saıasattanýshy
