Qoǵam • 15 Mamyr, 2020

Vokzalǵa tek bıleti bar jolaýshylar ǵana kiredi

54 ret kórsetildi

Búginnen bastap Qazaqstannyń ishki baǵyttaryna temir jol bıletterin satý bastalady. 1 maýsymnan bastap ishki temir jol qatynasy kezeń-kezeńmen qalpyna keltiriledi.

Osyǵan baılanysty Prezıdent janyndaǵy Ortalyq kommýnıkasııa­lar qyzmetinde Kóliktegi bas mem­lekettik sanıtarlyq dáriger Sádýa­qas Baıǵabylov túsinikteme berdi.

Kóliktegi bas memlekettik sanıtarlyq dáriger poıyzdarda negizgi sanıtarlyq-karantındik sharalardy belgileıtin qaýlyǵa qol qoıdy. Qaýly tasymaldaýshylar jumysyna ǵana qatysty emes. S.Baıǵabylovtyń aıtýynsha, onda vokzal ákimshiligi, tasymaldaý salasyndaǵy kásiporyndar men kólikke qyzmet kórsetý uıymdary qamtamasyz etýi tıis basty sharalar da aıqyndalǵan. «Vokzal ǵımaratyna tek bıleti bar jolaýshylar ǵana kirgiziledi. Jolaýshylar maska taǵýǵa, al jolserikter betperdemen qosa qolǵap kııýge mindetti. Ǵımaratqa kirýden buryn termometrııa júrgiziledi. Shyǵaryp salýshylar vokzal ǵımaratyna kire almaıdy, týysqandarymen syrtta qoshtasýy tıis. Vokzal kireberisinde barlyq adamǵa termometrııa júrgiziledi», dedi ol.

Temir jol vokzaldary jumysyn jandandyrý men vagondardyń qozǵalysyn qamtamasyz etý aldynda kondısıonerleý júıesi tolyq tekserilip, fıltrler aýystyrylady. «Poıyzdarda dezınfeksııalyq rejimdi kúsheıtý mańyzdy talaptardyń biri. Sondaı-aq poıyz brıgadalary, qyzmetkerler maskamen júrýi kerek. Vagondar arasynda jolaýshylardyń qozǵalysyna shekteý qoıylady. Jolaýshylardy otyrǵyzý bılet pen ornalastyrý oryndarynyń bolýyna qaraı júzege asady. Adamdardy oryndaryna otyrǵyzý boıynsha qosymsha talaptar eskerilmegen. Kýpe jáne plaskart vagondarynda tek bıletter boıynsha otyrǵyzylady», dedi Kóliktegi bas memlekettik sanıtar.

Poıyz júrgennen keıin jol­serikter jolaýshylarǵa anketa taratady. Vokzal men poıyzdarda jumys isteıtin qyzmetkerler ár aýysym aldynda medısınalyq tekseristen ótedi. Sádýaqas Baıǵabylov eger jaǵdaı turaqtalsa, bul sharalar kezeń-kezeńmen jeńildetiletinin atap ótti. Aıtpaqshy sapar barysynda jolaýshylarǵa ózderimen birge tamaq alýǵa ruqsat beriledi.

Sońǵy jańalyqtar

Ulttyq úrdister úzilmeıdi

Qazaqstan • Keshe

Mereıimizdi ósirgen megajoba

Rýhanııat • Keshe

Pnevmonııadan 5 adam qaıtys boldy

Koronavırýs • Keshe

Kıik múıiziniń 293 danasy tárkilendi

Oqıǵa • 10 Sáýir, 2021

Ortalyq memlekettik arhıvke jańa basshy keldi

Taǵaıyndaý • 10 Sáýir, 2021

Pnevmonııadan 1 naýqas qaıtys boldy

Koronavırýs • 10 Sáýir, 2021

Uqsas jańalyqtar