Astanada 1319 ýnıversıtet bitirýshi stýdent oqý aqysyn tóleı almaı otyr.
«Bul máseleni sheshý úshin JOO basshylarymen birlese, oqý aqysyn tóleı almaǵan 4 kýrs stýdentteriniń tólem merzimderin maýsym aıyna deıin uzartýǵa kelistik», - dedi Nur-Sultan qalasynyń Jastar saıasaty máseleleri basqarmasynyń basshysy Dáýlet Káribek.
Onyń aıtýynsha, ýnıversıtetter áleýmettik jaǵdaıy tómen stýdentterge jeńildikter jasaıtyn boldy. Mysaly, L.N. Gýmılev atyndaǵy Eýrazııa ulttyq ýnıversıteti 114 stýdentke jeńildik beriledi. Tehnologııa jáne bıznes ýnıversıteti 72, QazGZÝ – 29 jáne «Turan-Astana» ýnıversıteti 15 stýdentke jeńildik jasaǵan.
Buǵan qosa, elordalyq Jastar saıasaty máseleleri basqarmasy shet elde bilim alatyn (Varshava - 85, Máskeý - 149) 234 stýdentti Nur-Sultan qalasyna kútip alý, olardy qonaq úılerge jaıǵastyrý jáne basqa óńirlerge jóneltý jumystaryn júrgizdi.
Sonymen qatar basqarma Qazaqstannyń ózge aımaqtaryna shet elderden (Kıpr-1, Reseı-37, Bolgarııa-2, Polsha-42 , Nıderlandy-16, Taıland-4 jáne Birikken Arab Ámirlikterinen-14) ushyp kelgen 116 stýdentti elordaǵa arnaıy avtokóliktermen alyp kelýdi uıymdastyrdy. Eske sala keteıik, basqarma elordanyń Volonterlik shtabynyń jumysyn úılestirip otyr. Qazirgi tańda, belsendi 1300 volonter koronavırýsqa qarsy kúreske óz úlesterin qosýda. Eriktiler az qamtylǵan otbasylarǵa azyq-túlik jetkizip, blokposttarda jumysqa astalysyp júr. Qalalyq volonterlar shtaby 15 naýryzdan bastap búginge deıin «Birgemiz» qorymen birge, qalamyzda 2 mln medısınalyq maska taratty.
