HQO-lar azamattarǵa memlekettik qyzmetterdi Almaty qalasynyń bas sanıtarlyq dárigeri tıisti sheshim qabyldaǵannan keıin ǵana kórsete bastaıdy.
Qazirgi tańda Almaty qalasynda shaǵyn jáne orta bıznes sýbektilerine qyzmet kórsetý úshin Shuǵyla, 347/1 mekenjaıynda ornalasqan bir HQO jumys istep tur.
«Sondaı-aq memlekettik qyzmetterdi alýǵa ótinimdi egov.kz portaly arqyly rásimdegen azamattar daıyn bolǵan qujattaryn Áýezov aýdandyq HQO-dan (Jandosov, 51) jáne mamandandyrylǵan HQO-dan (Maılın, 85) alyp kete alady. Atalǵan bólimderde tek daıyn qujattardy berý terezeleri ǵana jumys isteıdi.
Egov.kz portalynda onlaın brondaý qyzmeti HQO-lar óz qyzmetin qaıta bastaǵan óńirler úshin ǵana jaramdy ekenine basa nazar aýdarýdy suraıdy. Almaty qalasy úshin HQO-lar ashylǵanǵa deıin brondalǵan kezek jaramsyz.
Almaty qalasy boıynsha HQO-lardyń jumysynyń qaıta bastalýy týraly «Azamattarǵa arnalǵan úkimet» memlekettik korporasııasynyń gov4c.kz resmı saıtynda, áleýmettik jelilerdegi resmı akkaýnttarynda jáne BAQ-tarda qosymsha jarııalanatyn bolady. О́zekti aqparatty qadaǵalap otyrýdy suraımyz», deıdi «Azamattarǵa arnalǵan úkimet» memlekettik korporasııasynyń mamandary.
