Kezdesý barysynda Úkimetaralyq komıssııanyń kezekti otyrysyn uıymdastyrý, ekijaqty qujattardy daıyndaý, 7-shi ÚAK otyrysynyń Hattamasyn oryndaý, sondaı-aq Mońǵolııa Premer-Mınıstri Ý.Húrelsúhtyń 2019 jylǵy qazanda Qazaqstanǵa jasaǵan resmı sapary barysynda qol jetkizilgen ýaǵdalastyqtardyń naqty iske asyrylýy jónindegi máseleler boıynsha pikir almasty.
ÚAK kezekti otyrysynyń kún tártibin tolyqtyrý jáne aldaǵy eki jyl ishinde jan-jaqty yntymaqtastyqty ilgeriletý maqsatynda máselelerdi egjeı-tegjeıli talqylaý úshin eki memlekettiń salalyq mınıstrlikteri men vedomstvolary sarapshylarynyń turaqty kezdesýlerin ótkizý týraly kelisimge qol jetkizildi.
Qazaqstandyq tarapty Qazaqstan Respýblıkasynyń Saýda jáne ıntegrasııa vıse-mınıstri Q.Tórebaev, mońǵol tarabyn – Monǵolııa Syrtqy qatynastar mınıstrligi Azııa jáne Tynyq muhıty aımaǵy departamentiniń dırektory E.Sarantogos basqardy. Beınekonferensııaǵa eki eldiń sheteldik mekemeleriniń basshylary da qatysty.
Qýat ÝATHAN,
Mońǵolııa
