«Otbasy ár adamnyń ómirinde basty ról atqarady. Tálim men tárbıeni, adamgershilik pen súıispenshilikti, qorshaǵan orta men ózin-ózi qurmetteýdi áýeli otbasydan úırenemiz. Jaqyndarǵa degen mahabbat pen qurmet, meıirimdilik, jaýapkershilik, eńbekqorlyq otbasynda paıda bolady. Otbasynda halyqtyń rýhanı jáne mádenı dástúrleri saqtalady jáne ol urpaqtan urpaqqa beriledi. Berik jáne baqytty otbasy – bul bizdiń qoǵam men memleketimizdiń tabysty damýy men órkendeýiniń kepili», - dep jazdy Aıda Balaeva Facebook paraqshasynda.
Sondaı-aq mınıstr jazbasynda demografııalyq jaǵdaıdy jaqsartý, áleýmettik kepildikter berý, qoljetimdi turǵyn úımen qamtamasyz etý, otbasylyq kásipkerlikti damytý, ana men balanyń densaýlyǵyn qorǵaý - memlekettik saıasattyń basty basymdyqtarynyń biri ekeni aıtylǵan.
«Búginde Prezıdenttiń tapsyrmasy boıynsha qazaqstandyq otbasylardyń ál-aýqatyn jaqsartý boıynsha keshendi sharalar qabyldanýda. Elimizdiń barlyq óńirinde «Januıa» otbasy ınstıtýtyn qoldaý ortalyqtary ashylady. Nur-Sultan jáne Almaty qalalarynda qazirdiń ózinde zań, psıhologııalyq jáne áleýmettik qyzmetter kórsetiledi. Turǵyn úı qurylys jınaq banki negizinde «Otbasy banki» ashylady, «5-10-20» turǵyn úı baǵdarlamasy jáne taǵy da basqa sharalar iske qosylady. Tek otbasylyq-demografııalyq saıasatqa tıisti nazar aýdarǵanda ǵana biz ózimizdiń biregeıligimizdi saqtap, basty qundylyqtarymyzdy damyta alamyz», - delingen jazbada.
