Búginde Shymkent qalasynda jumysyn qaıta bastaǵan kásiporyn nysandarynyń jalpy sany shamamen 7 myńnan asyp otyr. Olardyń basym kópshiligi shaǵyn jáne orta bıznes sýbektileri.
Máselen, 30 - saýda bazarlary, 221 - 500 sharshy metrden joǵary barlyq baǵyttaǵy dúkender men saýda úıleri, oıyn-saýyq ortalyqtary, 80 fotosalon, 158 medısınalyq ortalyq, 273 stomatologııalyq klınıka, 20 jarnama agenttikteri men 20 jyljymaıtyn múlik agenttikteri, 120 jeke kabınalary bar monshalar, 60 úı janýarlary men gúl satatyn dúkender jáne 263 avtojýý, maı aýystyrý, tehnıkalyq qyzmet kórsetý stansııalary. Kelip túsken ótinishterdiń kórsetkishi boıynsha qazir qalada 166 679 adam jumysyna qaıta kirisken.
Sondaı-aq Maqsut Pernebaıuly qalada birqatar shekteýler alynǵanymen tótenshe jaǵdaı rejımi 25 mamyrǵa deıin jalǵasatynyn aıtqan.
- Halyqqa qyzmet kórsetetin barlyq nysan ókilderinen barynsha sanıtarlyq talaptardy qatań ustanýyn, qaýipsizdikti basty nazarǵa alýyn suraımyn. Qala turǵyndaryn da betperde men antıseptık paıdalanyp, qoǵamdyq oryndarda araqashyqtyqty saqtaýǵa shaqyramyn, - dep málimdedi Shymkent qalasy ákiminiń orynbasary M.Isahov.
