Italııanyń soltústiginde ornalasqan Pavııa qalasyndaǵy túrme tonaldy. Bul týraly RBK «Ýkraına» habarlady.
Qaskóıler tún ortasynda túrme aýmaǵyna jasyrynyp kirgen. Jer astymen qazylǵan jol arqyly olar beıne baqylaý men barlyq qaýipsizdik júıelerin aınalyp ótken. Osylaısha túrme basshysynyń keńsesine kirip, seıfti urlapty.
Aldyn ala derekterge súıensek, seıftiń ishinde shamamen 5 myń eýro bolǵan eken. Polısııa bul oqıǵaǵa baılanysty qylmystyq is qozǵady.
Tergeýshiler qylmyskerlerdiń túrmeni jaqsy bilgendigin, sol sebepti bul iste mekemeniń burynǵy tutqyndary basty kúdikti retinde qaralatynyn málimdedi.
Aıdar О́risbaev.
