Pákstanda 7,4 balldyq jer silkinisi tirkeldi. Bul týraly RIA «Novostı» agenttigi habarlady.
Zilzala Pákstannyń Belýjıstan provınsııasyna qarasty Avaran qalasynan soltústik-shyǵysqa qaraı 69 shaqyrym qashyqtyqta oryn alǵan. Jer silkinisiniń oshaǵy 22,9 shaqyrym tereńdikte bolǵan.
Búginge deıin jetken málimetke qaraǵanda, zilzaladan 200 adam kóz jumǵan. Onyń 145-i Avaran qalasynyń, 55-i Máshkaı eldi mekeniniń turǵyndary. Buǵan qosa, 400-ge jýyq adam túrli deńgeıde jaraqat alǵan. Sondaı-aq, Avaran qalasy mańyndaǵy úılerdiń 30 paıyzy qıraǵan. Belýjıstan provınsııasynyń bas mınıstri Abdýl Balodj aımaqqa tótenshe jaǵdaı jarııalady.
Jer silkinisinen zardap shekkenderge kómek berýge shekarashylar men áskerıler jumyldyryldy.
Joldybaı Bazar.
