Akkredıtteý jáne reıtıngtiń táýelsiz agenttiginiń zertteý qorytyndysy boıynsha Abaı atyndaǵy Qazaq ulttyq pedagogıkalyq ýnıversıteti úzdik tórttikke endi. Joǵary oqý oryndarynyń ınstıtýsıonaldyq reıtıngisinde bakalavrıattyń bilim berý baǵdarlamalarynyń baǵyttary boıynsha qorytyndy kórsetkishtermen (24345) QR Joǵary oqý oryndarynyń arasynda da aldyńǵy orynnan kóringen ýnıversıtet pedagogıkalyq joǵary oqý oryndarynyń kósh basynda tur.
Joǵary oqý oryndarynyń ulttyq suranysqa ıe reıtıngine bıyl 89 otandyq oqý orny qatysty. Akkredıtteý jáne reıtıngtiń táýelsiz agenttigi jyl saıyn ótkizetin «QR Joǵary oqý oryndaryna suranystyń Ulttyq reıtıngi-2020» bul elimizdiń joǵary bilim berý sapasyn joǵarylatýǵa baǵyttalǵan bilim berý qyzmetteri men ǵylymı zertteýlerdiń básekege qabilettiligin arttyrýǵa yqpal etetin saralaý men baǵalaýdyń tıimdi quraly bolyp tabylady.
Saraptamalyq bilim berý baǵdarlamalarynyń nátıjelerin sala boıynsha baǵalaý reıtıngisindegi jetistik bilim berý baǵdarlamalarynyń sanyna emes, sapasyna jáne ártúrliligine, ýnıversıtet profıliniń sáıkestigine baılanysty.
Reıtıngke qatysý bilim berý júıesin transformasııalaý jaǵdaıynda joǵary oqý oryndarynyń básekege qabilettiligin, tabystylyǵyn arttyrýdyń, el damýynyń mańyzdy salalarynda suranysqa ıe mamandardy daıarlaý sapasynyń álemdik deńgeıine qol jetkizýge baǵyttalǵan sheshýshi faktoryna aınalýda.
