Oblystyq polısııa departamenti baspasóz qyzmetiniń habarlaýynsha, 14 mamyrǵa qaraǵan túni saǵat 00:30 shamasynda «Mercedes Benz» kóliginiń júrgizýshisi arnaıy dybys sıgnalyn berýge arnalǵan qurylǵyny qosyp júrgen eken. Ony Atyraý qalalyq polısııa basqarmasynyń «Batys-31» patrýldik quramy Azattyq dańǵylynyń boıynda toqtatty.
–Tekserý barysynda kólik júrgizýshisiniń 1999 jyly týǵan azamat ekeni anyqtaldy. Oǵan kóligine arnaıy qurylǵyny paıdalǵany úshin QR Ákimshilik quqyqbuzýshylyq týraly Kodekstiń 603-baby, 2-bóligimen hattama toltyryldy. Dybys berýge arnalǵan qurylǵy tárkilendi, -dep habarlady departamenttiń baspasóz qyzmeti.
«Mercedes Benz» kóligi aıyppul turaǵyna qoıylǵan.
