R. Qaıdarov 2019 jyldyń 27 jeltoqsanynda áýe apatynan qaza tapqan bolatyn. Qazaqstan Respýblıkasy IIM-niń eńbek sińirgen ardageri ómiriniń sońyna deıin «Generaldar keńesi» RQB Prezıdıýmy tóraǵasy mindetin abyroımen atqardy.
Áıgili generaldy eske alý sharasyna Rústem Esimhanulynyń týǵan-týystary men jaqyndary: aǵasynyń jubaıy Gúlbarshyn Qaıdarova jáne onyń balalary Aıgúl men Darhan, sondaı-aq ishki ister organdary men Ulttyq ulannyń qazaqstandyq ardagerler keńesiniń tóraǵasy О́mirzaq Bolsambekov bastaǵan IIO ardagerler keńesiniń músheleri jáne QR IIM basshylyǵy qatysty.
«Eren eńbegi eline. General Qaıdarov» kitaby ishki ister mınıstri Erlan Turǵymbaevtyń qoldaýymen Ishki ister organdary men Ulttyq ulannyń qazaqstandyq ardagerler keńesiniń tóraǵasy mılısııa general-maıory О́mirzaq Bolsambekovtiń jalpy redaksııasymen shyǵaryldy. Redaksııalyq alqaǵa generaldar Mahmud Telegýsov, Tursyn Aıjýlov, Naıl Ǵalymjanov jáne Bolat Baıjasarov qatysty.
Kitapta Qaıdarovtyń áriptesteri men qyzmettesteriniń estelikteri jınaqtalǵan, sondaı-aq IIM murajaıynyń muraǵattyq materıaldary men fotosýretteri berildi.
«Biz búgin general Rústem Qaıdarovqa qurmet kórsetý úshin jınalyp otyrmyz. Rústem Esimhanuly 1940 jyly 18 mamyrda dúnıege keldi. Mılısııanyń qatardaǵy qyzmetkerinen generalǵa deıin jol júrip ótti. Ol qatardaǵy mılısııa qyzmetkerinen generalǵa deıingi qıyn joldardan ótti. Qazaqstannyń zań ǵylymynyń damýyna, jas táýelsiz Qazaqstannyń quqyq qorǵaý júıesin jáne onyń quqyqtyq bazasyn qurýǵa, polısııa kadrlaryn qalyptastyrýǵa zor úles qosty. Onyń seriktesteri aıtqandaı, R. Qaıdarov eń qıyn jaǵdaılarda, ásirese adamdardyń taǵdyryna qatysty máselelerde durys sheshim taba bildi. Qurmetti demalysta júrip, qoǵamdyq ómirge belsendi qatysty, qazaqstandyq polısııanyń jas tolqynyn patrıottyq rýh jáne adamgershilikke tárbıeleý, urpaqtar sabaqtastyǵyn jalǵastyrý baǵytynda aıańbaı ter tókti», dep atap ótti Ishki ister mınıstriniń orynbasary Alekseı Kalaıchıdı.
Budan soń sóz alǵan Ishki ister organdary men Ulttyq ulannyń qazaqstandyq ardagerler keńesiniń tóraǵasy mılısııa general-maıory О́mirzaq Bolsambekov: «Quqyq qorǵaý organdarynyń jylnamasyna general Rústem Esimhanuly Qaıdarovtyń esimi altyn áriptermen jazyldy. О́kinishke oraı, ol búgin bizdiń aramyzda joq. Asyl azamat tiri bolǵanda 2020 jyldyń 18 mamyry kúni 80 jasqa tolar edi…
Rústem Esimhanuly búkil sanaly ǵumyryn týǵan halqyna qyzmet etýge arnaǵan talantty, talmaıtyn eńbekqor jan retinde el esinde qaldy. Ol ishki jan dúnıesi baı, rýhy joǵary, qyzmet tártibine berik adam edi. Naǵyz general týraly, Ishki ister organdarynyń kóptegen urpaqtarynyń tálimgeri jaıly jyly estelik bizdiń júregimizde máńgilikke saqtalady, onyń dańqty ómir joly týraly murajaı eksponattary men kitaptary kelýshilerge keńinen syr sherteri sózsiz», dedi.
Aıta ketý kerek, IIM-men birge Almaty qalasy Polısııa departamenti, Shyǵys Qazaqstan oblysy Semeı qalasy Polısııa basqarmasy, Qaraǵandy oblysy Jezqazǵan qalasy Polısııa basqarmasyndaǵy murajaılarda general týraly estelik buryshy saltanatty túrde ashyldy. Bul óz kezeginde jas ofıserlerge patrıotızm men erliktiń jarqyn úlgisine aınalary sózsiz.
