Qazaqstan • 18 Mamyr, 2020

Qazaqstan ADB-men əriptestik týraly kelisimge túzetýlerdi ratıfıkasııalady

251 ret

kórsetildi

1 mın

oqý úshin

2020 jylǵy 14 mamyrda Memleket basshysy «Áriptestik týraly negizdemelik kelisimdi (2014 jylǵy 4 mamyrdaǵy Qazaqstan Respýblıkasynyń Úkimeti men Azııa Damý Banki arasyndaǵy Qazaqstan Respýblıkasyn ekonomıkalyq ártaraptandyrý jáne onyń ornyqty damýyna, jalpy ósýine járdemdesý maqsatynda yntymaqtastyqty kúsheıtý jónindegi áriptestik týraly negizdemelik kelisimge túzetýler men tolyqtyrýlar) ratıfıkasııalaý týraly» Qazaqstan Respýblıkasy Zańyna qol qoıdy. Bul týraly Ulttyq ekonomıka mınıstrliginiń baspasóz qyzmeti habarlady.

Egemen Qazaqstan

Qazaqstan ADB-men əriptestik týraly kelisimge túzetýlerdi ratıfıkasııalady

Ratıfıkasııalanǵan ADB Kelisimge 2019 jylǵy 27 tamyzda Nur-Sultan qalasynda qol qoıyldy. Osy halyqaralyq kelisim memlekettik kepildikpen qaryz alý kezinde Banktińerejeleri men talaptaryn saqtaý boıynsha normalardy belgileıdi, sonymen birge jeke sektordaǵy ADB-men yntymaqtastyqty jáne birlesken jobalardy qarjylandyrý quraldaryn keńeıtýge múmkindik beredi.

Kelisimge sáıkes yntymaqtastyqtyń negizgi maqsattary men baǵyttary makroekonomıkalyq ornyqtylyqty arttyrý, ınfraqurylym men kommýnaldyq qyzmetterdi jańǵyrtý, aýyl sharýashylyǵy sektoryn damytýǵa járdemdesý, shaǵyn jáne orta bıznesti qarjylandyrýǵa qoljetimdilikti jaqsartý, ınfraqurylymǵa jáne densaýlyq saqtaý men bilim berý sııaqty áleýmettik sektorlarǵa ınvestısııalardy ulǵaıtý bolyp tabylady.

Azııa Damý Bankiniń qyzmeti jumys oryndaryn qurý, ınnovasııalardy yntalandyrý, áleýetti ulǵaıtý, bilim men úzdik halyqaralyq praktıkalardy engizý negizinde keń aýqymdy qoldaý kórsetý arqyly ekonomıkalyq damýǵa óz úlesin qosyp otyr.