800 betti quraıtyn «Zontag: ómiri men shyǵarmashylyǵy» atty kólemdi bıografııalyq eńbekke romanıst týraly buryn-sońdy jarııalanbaǵan suhbattar men áńgimeler engen. Bunymen qosa Zontagtyń jeke arhıvindegi sýretter men tańsyq materıaldar da bar. Mozer Zontagtyń bıografııasyna jeti jyl ýaqytyn arnap, alty júzdeı adammen pikirlesken.
Pýlıtser syılyǵynyń tarıhy sonaý 1917 jyldan bastalady: sol jyly amerıkandyq jýrnalıst Gerbert Baııard Svop 1916 jyldyń qazan aıynda «New York World» gazetinde jarııalanǵan «Germanııa ımperııasyna ishten kózqaras» degen taqyryptaǵy materıaldar serııasy úshin alǵashqy syılyq alǵan edi. 21 nomınasııa boıynsha beriletin jýrnalıstıka men ádebıet salasyndaǵy bedeldi syılyqtyń tarıhyn áriden qozǵasaq, Djozef Pýlıtser jýrnalıstıkaǵa aıaqasty kelgen eken. Ol Sent-Lýıstaǵy kitaphanada ótken shahmat oıynynda batyl pikir aıtyp, gazet redaktorlarynyń kózine túsipti. Keıin olar Djozefti gazetke jumysqa shaqyrady. Stýdentterdi jýrnalıstıkaǵa úıretýdi Pýlıtser alǵashqy bolyp usynǵan.
1911 jyldyń qazan aıynda vengerlik gazettik magnat Djozef Pýlıtser ómirden ozyp, sońyna ónegeli ósıet qaldyrady. Ol boıynsha 2 mıllıon dollar óz atyndaǵy jýrnalıstik mektep ashýǵa jumsalǵan. О́sıet 1903 jyly tamyz aıynda jazylyp, sol kúnnen bastap Pýlıtser syılyǵy rastaldy. Ádebıet, jýrnalıstıka, mýzyka jáne teatr salalary boıynsha úzdikter anyqtalyp, ár jeńimpazǵa $10 000 tabystaldy. Al keıbirine altyn medal beriledi.
Jyl saıyn álem ádebıetiniń tynys-tirshiliginen habar berip, úzdikterdi tanystyryp júrgen Pýlıtser syılyǵy qazaq avtorlaryna da buıyrsyn deımiz.
