Is-sharany «Qolda» shuǵyl kómek jobasy aıasynda «Shevron» kompanııasymen seriktestikte «Rodnık» Qoǵamdyq qory jáne Eýrazııa Ortalyq Azııa Qory uıymdastyrdy.
Sonymen qatar, Almatydaǵy О́zbekstan Respýblıkasynyń bas konsýldyǵy, Qyrǵyzstan Respýblıkasynyń bas konsýldyǵy, «Somonıen» Tájik mádenı-qoǵamdyq birlestikteri qaýymdastyǵy» jáne Almatydaǵy «Zamandash» qaýymdastyǵy da sharaǵa jumyla kiristi.
«Somonıen» uıymynyń vıse-prezıdenti Valıev Inoıatýllohon:«Bul gýmanıtarlyq kómek ózge elde jumyssyz qalǵan bizdiń otandastarymyzǵa sál de bolsyn járdem boldy. Jumyla kótergen júk jeńil demekshi, bul el basyna túsken qıyn kezde bizdi biriktirdi»,- dep uıymdastyrýshylarǵa alǵys bildirdi.
«Rodnık» Qoǵamdyq qorynyń dırektory Nına Balabaeva:«Joba aıasynda barlyq seriktesterdiń qosqan úlesteri zor. Karantın bastalǵaly beri О́zbekstan, Qyrǵyzstan elderiniń Bas konsýldyqtary, ulttyq-mádenı ortalyqtar mıgranttarmen baılanysty úzgen joq. Biz eń aldymen rasymen de kómekke muqtaj adamdardyń tizimin jasadyq. Joba barysyndaǵy dittegen mindetti oryndadyq, 100 mıgrantqa kómek kórsetildi. Olar jyly pikiri men alǵysyn aıtyp jatyr», degen pikirimen bólisti.
Esterińizge sala keteıik, atalǵan aksııa Ortalyq Azııanyń Eýrazııa Qory «Shevron» kompanııasymen birge karantınniń halyqqa tıgizetin keri áserin tómendetý, qoǵamdyq jáne eriktiler uıymdaryn qoldaý, BAQ arqyly halyqty aqparattandyrý maqsatynda ótkizgen «Qolda» jedel kómek kórsetý jobasy aıasynda ótti.
