• 28 Qyrkúıek, 2013

Fýtbol. Birinshi lıga. Top basyndaǵylar jeńiske jetti

260 ret

kórsetildi

1 mın

oqý úshin

Egemen Qazaqstan

28-09-13-futvall-1

Búgin, 28 qyrkúıek kúni Qazaqstan chempıonatynyń birinshi lıgasyndaǵy saıysta top bastap kele jatqan Qyzylordanyń «Qaısar» komandasy Qaraǵandyda jergilikti «Gefest» klýbymen kezdesip, ony 6:0 degen iri eseppen utty. Bul týraly Vesti.kz habarlady. Qyzylordalyqtar 31-týrda oryn alǵan osy kezekti jeńisinen keıin týrnır kestesindegi jaǵdaıyn burynǵy qalpynda ustap qaldy. Ol óziniń sońynan kele jatqan Aqtaýdyń «Kaspıı» komandasymen aralyqtaǵy 6 upaı aıyrmashylyǵyn buzǵan joq. Bul kúni Mańǵystaý fýtbolshylary da utysqa ıe boldy. Olar elordada «Astana-1964» jasaǵyna qarsy oıyndy 2:0 esebimen óz paıdasyna sheshe bildi. Kósh basyndaǵylar qataryndaǵy Almaty oblysy О́tegen batyr kentiniń «Ile-Sáýlet» ujymy Syr boıy fýtbolshylarynyń esebin qaıtalady. Ol óz alańynda Shymkenttiń BIIK komandasyn osyndaı nátıjemen tize búktirdi. Al sensasııany jasaǵan Jetisaıdyń «Maqtaaral» komandasy boldy. Ol Petropavlda «Qyzyljardy» 3:2 etip súrindirdi. Qalǵan oıyndar mynadaı nátıjeler ákeldi: «Ekibastuz» (Ekibastuz) - «Báıterek» (Astana) 2:0 «Spartak» (Semeı) - «Bolat-AMT» (Temirtaý) 2:0 «Oqjetpes» (Kókshetaý) - «Qyran» (Shymkent) 1:0 SSKA (Almaty) – «Lashyn» (Qarataý) 1:1 Búgin sondaı-aq Premer-lıga komandalarynyń qosalqy quramdary ózara kezdesti. Bul matchtarda mynadaı esepter tirkeldi: «Vostok» (О́skemen) - «Aqjaıyq» (Oral) 5:0 «Ertis» (Pavlodar) – «Shahter» (Qaraǵandy) 1:0 «Ordabasy» (Shymkent) – «Astana» (Astana) 3:0 «Qaırat» (Almaty) – «Aqtóbe» (Aqtóbe) 3:0 «Taraz» (Taraz) – «Jetisý» (Taldyqorǵan) 4:2 «Atyraý» (Atyraý) – «Tobyl» (Qostanaı) 0:1 Damır Qojamqul.