Aımaqtar • 25 Mamyr, 2020

Qyzylorda: Departament bastyǵy turǵyndardy alaıaqtardan saq bolýǵa shaqyrdy

39 ret kórsetildi

Qyzylorda oblysy Polısııa departamenti alaıaqtar jasaıtyn qylmystardy boldyrmaý, aldyn alý baǵytynda júıeli jumys jasap keledi.  Soǵan qaramastan óńirde  ózgeniń menshigin alaıaqtyq jolmen ıelený arqyly azamattardyń quqyna qol suǵý derekteri áli de oryn alýda.      

Buǵan birden-bir sebep, turǵyndardyń jeńil paıdany kózdegenderdiń «tómen paıyzben iri kólemde nesıe, kezekten tys arzan baǵamen memlekettik páter, jer alyp beremin, tenderden utýǵa kómektesemin, jalaqysy joǵary qyzmetke, jumysqa turǵyzamyn»  degen túrli ýádesine aldanyp qalýy.

Mysaly, Qyzylorda qalasynyń turǵyny 44 jastaǵy áıel jańadan salynyp jatqan kóp qabatty úılerden páter alyp beremin degen ýádemen oblys ortalyǵyndaǵy biraz turǵynnyń qarajatyn qaltaǵa basqan. jábirlenýshilerge keltirilgen shyǵynnyń kólemi 2 230 000 teńgege jetkendigi anyqtaldy. 

Alaıaq áıel Qazaqstan Respýblıkasy Qylmystyq Kodeksiniń 190-babynyń  3-bóliginiń 4-tarmaǵymen kináli dep tanylyp, oǵan qalalyq sot úkimimen 3 jylǵa bas bostandyǵynan aıyrý jazasy taǵaıyndaldy. Sonymen qatar, sot jábirlenýshige keltirilgen shyǵyndy zańmen belgilengen tártippen óteýdi mindettedi.

Osyǵan baılanysty, oblystyq Polısııa departamentiniń bastyǵy. polısııa polkovnıgi Bektóre Sultan oblys turǵyndaryna alaıaqtardyń qurbanyna aınalmas úshin jalǵan ýádege senbeý jáne aqsha, baǵaly zattar men múlikti kúmándi adamdarǵa nemese kompanııalarǵa tapsyrmaý kerektigin eskertedi.  Alaıaqtyq faktileri oryn alǵan jaǵdaıda tez arada polısııaǵa habarlaǵan jón.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar