Psıhologtardyń pikirinshe, sýyq desert tanymaldyǵynyń ósýi karantın kezindegi mazasyz kúı-jaıǵa jaýap retinde qazaqstandyqtardyń kóńil-kúıiniń ózgerýine jáne jaǵymdy emosııalarǵa degen qajettiliktiń artýyna baılanysty. «Shın-Laın» kompanııasynyń mamandary satyp alý belsendiliginiń ósýin rastaıdy, sondaı-aq olar karantın kezinde usynǵan otbasylyq formattaǵy ónim assortımentine aıtarlyqtaı qyzyǵýshylyq tanytylǵanyn atap ótedi.
Kóptegen jyldar ishinde alǵash ret balmuzdaq óndirýshisi týra otbasylyq tutyný segmentinde aıtarlyqtaı ósim tirkelgenin tilge tıek etedi. Ol 92%-ǵa artqan, bul ótken jylǵy kórsetkishten eki ese artyq. Eń úlken suranysty salmaǵy 450 gramnan 900 gramǵa deıingi vannalar, shelekter, rýletter men paketter sııaqty qaptamalardaǵy balmuzdaq kórsetedi. Mysaly, otbasylyq formattaǵy tanymal «Mısha» balmuzdaǵy 2019 jylmen salystyrǵanda 4,5 ese ósýdi kórsetip, tutynýshylar arasynda osy kezeń satylymynyń kóshbasshysy atandy.
- Biz otbasylyq formattaǵy balmuzdaqtyń Qazaqstannyń iri qalalary turǵyndarynyń úı as máziriniń ajyramas bóligine aınalyp kele jatqanyna qýanyshtymyz. Biz árdaıym, tipti daǵdarys jaǵdaıynda da jańa sheshimder men formattardy izdeımiz. Bir mınýt ýaqytty da bos jibermeı, dámi men sapasy turǵysynan úzdik ónimdi alýǵa tyrysamyz. Karantınde bizdiń kásiporyn jumys isteýdi jalǵastyrdy, 400-den astam qyzmetker kásiporynda oqshaýlandy, turaqty túrde kásiporynnyń «taza» perımetri ishinde ómir súrdi jáne eńbek etti, osylaısha biz tutynýshylarymyzdy tolyq kólemde sýyq desertpen qamtamasyz ettik, olardyń jaǵymdy kóńil-kúıine sebepker bola aldyq dep úmittenemiz, - dep atap ótti «Shın-Laın» kompanııalar tobynyń prezıdenti Andreı Shın.
Dástúrli túrde Qazaqstanda balmuzdaq satylymy tek ystyq jaz mezgilinde ǵana keledi, negizinen, bul saıabaqtar men merekelik alańdardaǵy bólshek saýda oryndary men kóptegen maýsymdyq saýda oryndary esebinen. Úı jaǵdaıynda balmuzdaq kóp tutynylmady. Koronavırýstyń kelýimen jáne otbasy úshin ónimniń keń usynysymen jaǵdaı ózgerdi. Bul buqaralyq is-sharalar men qala turǵyndarynyń erkin serýendeý trafıginiń joqtyǵyna qaramastan satylymdy arttyrýǵa múmkindik berdi. Osy jyldyń kókteminde qazaqstandyqtar otbasylyq formatpen qatar, naryqtyń bestsellerleri sanalatyn kelesi qazaqstandyq porsııalyq balmuzdaqtardy belsendi tutyndy: kilegeı «Bomba» men «Mıshka na polıýse» kilegeıdegi plombıri. Balalar men eresekterdiń nazaryn aýdaratyn kámpıt serııasy sońǵy jańalyqtary – «Karavan», «Belochka» jáne «Korovka» balmuzdaqtarynyń da satylymy ósti.
Otandyq tutynýshylar arasynda porsııalyq balmuzdaq basqa formattaǵy balmuzdaqqa qaraǵanda árdaıym tanymal, óıtkeni bul táttimen jyldyń ystyq mezgilinde qala ishinde serýendep, bar dámimen kóshede lázzat alýǵa bolady. Sonymen qatar, úı formatyndaǵy balmuzdaq naryǵynyń áleýeti de mańyzdy, deıdi mamandar. Balmuzdaq salasyndaǵy álemniń jetekshi sarapshylarynyń biri Dmıtrıı Dokınniń pikirinshe, «Shın-Laın» kompanııasy úshin qazaqstandyqtardyń jazda ǵana emes, sonymen qatar, Eýropa men Amerıka elderindegi sııaqty jyldyń ózge de mezgilinde sýyq desertti belsendi túrde tutynýy mańyzdy. Bul mindetti sheshý úshin arnaıy «úı» formattary qajet, olar «Shın-Laındy» qazaqstandyq qalalardyń naryǵyna lıtrlik qaptamadaǵy balmuzdaq, tort-balmuzdaqtar pen rýletter túrinde shyǵarady. Adamdar úıde, otbasymen kóp ýaqyt ótkizýde, olardyń aspazdyq jáne ónimderdi tutyný ádetteri de ózgerýde, sondyqtan óndirýshilerdiń de ózgeriske árdaıym sáıkes kele túsýi mańyzdy.
