Bastaýyshta oqytý pedagogıkasy men ádistemesi kafedrasynyń stýdentteri ekinshi jyl qatarynan osy forýmǵa qatysty. Bul olardyń belsendilikterin damytýǵa, shyǵarmashylyq áleýetin qalyptastyrýǵa, tańdaǵan mamandyǵynyń qyr-syryn túsinýge yqpal etedi. Forýmǵa Reseıdiń, Belarýssııanyń ártúrli JOO-larynyń stýdentteri qatysyp, óz jobalary men ázirlemelerin tárbıe praktıkasy, oqý nátıjelerin qalyptastyrý mazmuny men tehnologııalaryn jańǵyrtý máselelerine arnalǵan seksııalarǵa usyndy.
Forýmda Bastaýyshty oqytý pedagogıkasy men ádistemesi kafedrasynyń aǵa oqytýshysy, pedagogıka magıstri Ekaterına Rıabova quttyqtaý sóz sóıledi. BOPÁ mamandyǵynyń 3-kýrs stýdenti Tkacheva Alına «Dúnıetaný sabaqtarynda bastaýysh synyp oqýshylarynyń tanymdyq is-áreketin belsendirý joldary» taqyrybyndaǵy baıandamasynda óziniń jetistikterin usynyp, II dárejeli Dıplommen marapattaldy.
Sondaı-aq, forým aıasynda JOO komandalarynyń vızıtkalar baıqaýy ótti. Kafedranyń beınesıýjetin 2 kýrs stýdentteri Manahova Anastasııa, Mahamedıeva Sıtora, Chaıkına Tatıana, Abdýahakımova Leılıa usyndy (beıneni daıyndaýǵa Neroznıkova Alena tehnıkalyq qoldaý kórsetti). Nátıjesinde bul komanda I dárejeli Dıplommen marapattalyp, jeńimpaz atandy.
