Sonymen, «Kúndelik» AAJ elektrondyq jýrnaldar men kúndelikter júıesi (https://kundelik.kz) Qazaqstan mektepterine 2020 jyldyń sáýir-mamyr aılarynda táýligine shamamen ortasha 1 mln adamnyń «sabaqqa barǵanyn» tirkedi, bul 2019 jylǵy sáýir men mamyr aılarynyń sáıkes kezeńimen salystyrǵanda 2 ese kóp degen sóz. Bul kórsetkishtiń tarıhı shyńy 6 sáýirde tirkelip,  bir táýlikte júıeni paıdalanǵandar sany 2 mln boldy. Oqý jylynyń sońǵy toqsanynyń barlyq kezeńinde ortasha alǵanda, saıt paraqshalary men fýnksıonalyn táýlik ishinde qaraý 21 mıllıondy (6 sáýirde tarıhı shyńy ­­ táýligine – 49 mln qaraý, kúnine 3,2 mln adam kirip) qurady.

Júıede 330 myńnan astam muǵalim belsendi jumys istedi, olar sońǵy toqsanda 134 mıllıonǵa jýyq baǵa qoıyp, 20 mıllıondaı úı tapsyrmasyn taratqan. 2,8 mln oqýshy úı tapsyrmasyn oryndap, júıege faıldardy qosyp, 2,1 mıllıonnan astam ata-ana óz balasynyń nemese balalarynyń úlgerimin kóre aldy.

Jalpy alǵanda «Kúndelik» AAJ júıesinde 5.5 mıllıonnan astam paıdalanýshy tirkelgen, olardyń 95% -y júıeni belsendi qoldanypty.

Eger aqıqatyn aıtar bolsaq,  qashyqtan oqytý formaty bilim berý prosesiniń barlyq qatysýshylaryna: muǵalimder, oqýshylar men ata-analarǵa biraq qıyndyqtar alyp keldi. Qarym-qatynas birkelki emes, ala-qula boldy. Jalpy alǵanda, mekteptiń orta jáne joǵary synyptarynda aqparatty qashyqtyqtan qabyldaýǵa kóshý jáne qarym-qatynas oń bolǵanymen, biraq bastaýysh synyptar arasynda oqytý prosesi kúrdeli boldy.

BJB jáne TJB kezeńinde «Kúndelik» AAJ qyzmetterine qajettilik  burynǵyǵa qaraǵanda kúrt ósti. О́ıtkeni, baqylaý suraqtaryn usyný jáne faıl túrinde tirkelgen oqýshylardyń jaýaptaryn alý, bilim nátıjelerin baǵalaý onlaın rejımge kóshkeni belgili. Oqýshylarmen keri baılanys qyzmeti qashyqtan bilim berý formatynda eń tanymal boldy. Úı tapsyrmalary, BJB jáne TJB túrindegi baqylaý, test suraqtary boıynsha atalmysh fýnksıonaldy paıdalaný kórsetkishteri osy aralyqta 2019-2020 oqýjylynyń 3 toqsanymen salystyrǵanda 119 ese joǵary boldy.

«Kúndelik» AAJ júıesi qashyqtan bilim berýde eń úzdik bilim baǵdarlamalary, jobalary engizilgen  «Mektep Online», Almaty qalasyndaǵy Respýblıkalyq fızıka-matematıkalyq mektebi, Y.Altynsarın atyndaǵy Ulttyq bilim akademııasy (TJT men TJB etalondyq mysaldary), sondaı-aq Almaty qalasy Bilim basqarmasynyń bilim berý kontenti, «Daryn.Online» sııaqty Qazaqstandaǵy bazalyq bilim berýdiń onlaın platformasyna aınaldy.

Qashyqtyqtan bilim berý formaty Qazaqstanda bilim berý qyzmetterin usynatyn túrli memlekettik jáne kommersııalyq uıymdar arasyndaǵy ózara tabysty ózara yntymaqtastyqqa jol ashyp berdi.

Sońǵy ýaqytta memleketimiz sandyq resýrstardy paıdalanýshylardy qoldaýda buryn-sońdy bolmaǵan sharalar qabyldady. Qazaqstannyń barlyq bilim berý jobalary úshin tarıfsiz, ıaǵnı shyǵyndalmaıtyn ınternet arnasy berildi, osylaısha paıdalanýshylar «Kúndelik» AAJ sııaqty resýrstarǵa kirip, ózderiniń ınternet toptamalaryndaǵy megabaıttaryn únemdedi. Tótenshe jaǵdaı kezinde, alyqqa bul da úlken kómek bolǵany aıtý kerek.

Kúndelik júıesi tórtinshi toqsanda eki mınıstrliktiń: QR Bilim jáne Ǵylym mınıstrligi men QR Sıfrlyq damý, ınnovasııa jáne aeroǵarysh ónerkásibi mınıstrliginiń jumysy arqasynda bólingen keńjolaqty ınternet-arnasyn nyń keńeıtti. Bul shara joǵary júkteme kezinde sapaly jumys isteýge múmkindik berdi.

Biraq áli de ınternet jelisimen qamtý jyldamdyǵy álsiz – sońǵy mıl (lastmile) problemasy – bul eldiń telekommýnıkasııalyq ınfraqurylymyn jolǵa qoıý máselesin odan ári pysyqtaýdy jáne ony sheshýdi talap etetin mindet. Osyǵan baılanysty, Qazaqstan Prezıdenti Q.Toqaev halyqtyń ınternetke qoljetimdiligin jaqsartý, ómirdiń barlyq salalarynda sıfrlyq sheshimderdi keńinen engizý týraly sheshim qabyldady. Bilim berý júıesi osy baǵytta birinshi bolyp, karantınniń alǵashqy kúninen bastap Qazaqstannyń 7 myńnan astam mektebin qashyqtan oqytýdy bastady.

Mine, úsh jyl qatarynan Qazaqstanda «Kúndelik» AAJ tolyqqandy jumys istep keledi. Bıylǵy oqý jylyn atalmysh júıe jaqsy kórsetkishtermen aıaqtady. Osynaý  bul jetistikterdi halyqaralyq reıtıngter aıǵaqtaıdy.  Qazaqstannyń da  bilim berý salasynda álemdik reıtıngterge engen Learning Management System (LMS) sııaqty óziniń jeke júıesi bar. Mysaly, Similar Web jáne Alexa ınternetiniń álemdik iri esepteýishteri bilim berý júıeleri arasynda reıtıngterdi anyqtaıdy. О́z kezeginde «Kúndelik» AAJ álemniń bilim berý júıesindegi TOP 50 resýrsynyń qataryna kóterildi (41 oryn). Eger Amazon derekteri boıynsha eldegi statıstıkany qaraıtyn bolsaq, «Kúndelik» AAJ tek Google men YouTube-qa ǵana jol berip, álemdegi tanymal onlaın resýrstardy artta qaldyrady.

ALMATY