ARES halyqaralyq reıtıngin 2011 jyldan beri Eýropalyq ǵylymı-ónerkásiptik palatasy júrgizip keledi. Bıylǵy jyly oǵan eýropalyq standarttarǵa qyzmeti sáıkes keletin TMD elderiniń 530-dan astam joǵary oqý orny qatysty. ARES nátıjelerin álemniń jetekshi reıtıngtik agenttikteri nazarǵa alady.
О́z kezeginde QazUÝ reıtıngte qazaqstandyq joǵary oqý oryndary arasynda kóshbasshy bolyp qalýda, kórsetkishter boıynsha olardy áldeqaıda ozyp tur. ARES-tiń «AA+» baǵasyna, sondaı-aq, Lomonosov atyndaǵy MMÝ bastaǵan Reseıdiń 10 jetekshi ýnıversıteti de ıe bolǵan.
Reıtıng joǵary oqý oryndaryn kelesi kórsetkishter boıynsha saralaıdy: ǵylymı-ınnovasııalyq qyzmet, oqytý sapasy, sıfrlandyrý deńgeıi, túlekterdiń suranysyna ıe bolýy, halyqaralyq taný, stýdentter men oqytýshylardyń akademııalyq utqyrlyǵy. Sonymen qatar halyqaralyq reıtıngter men akademııalyq qoǵamdastyqtaǵy ýnıversıtettiń orny esepke alynady.
Aıta keter jaıt, zertteý ýnıversıtetine aınalýǵa baǵyt alǵan QazUÝ, jahandyq ǵylymı-bilim berý keńistigindegi óziniń básekege qabilettiligin údemeli arttyryp, halyqaralyq reıtıngterde tabysty alǵa ilgerileýde. Jetekshi qazaqstandyq joǵary oqý orny álemniń úzdik ýnıversıtetteriniń qataryna enýdi kózdeıdi.
