Osy jyldyń aqpanynda ishimdik ishken kúıinde ol taǵy da rólge otyryp, kólikti basqara almaı jol jıegine túsip ketken. Mas kúıinde rólge otyrýdyń ózi – qoǵamǵa qaýipti ekendigi eskerilip, osy quqyq buzýshylyǵy úshin er adam ustalyp, aýdandyq polısııa bóliminiń ýaqytsha ustaý ızolıatoryna qamaldy. Onyń buryn da jol erejesin birneshe ret buzǵany úshin ákimshilik jáne qylmystyq jaýapkershilikke tartylǵanyn eskere otyryp, sot ony jýyrda bir jylǵa bas bostandyǵynan aıyrýǵa úkim shyǵardy.
Oblystyq Polısııa departamenti bastyǵynyń orynbasary, polısııa polkovnıgi Eńbek Sembınniń aıtýyna qaraǵanda ústimizdegi jyldyń qańtar aıynda mas kúıinde kólik júrgizgen júrgizýshilerdiń jaýapkershiligin qataıtqan zańnama qabyldanǵanda mundaı buzýshylyqtar birshama azaıǵan. Biraq zańda elegisi kelmeıtinder áli de kezdesip qalady. Sonyń biri osy, ata jasynan asyp ketken Mamlıýtka qalasynyń turǵyny. Jalpy, jyl basynan beri oblysta mas kúıinde kólik júrgizýge qatysty 31 qylmys tirkelgen.
Soltústik Qazaqstan oblysy
