- Qalada indettiń taralýy áli tómendegen joq. Kerisinshe, kún saıyn joǵarylap keledi. Sondyqtan da sanıtarlyq talaptar qatań baqylaýda bolady, - deıdi dáriger.
Tamaqtaný oryndaryna óz jumysyn bastaýǵa ruqsat berildi. Degenmen qatań talapty oryndasa ǵana. Dámhanalar tańǵy 10:00 men 18:00 aralyǵynda jumys isteıdi.
Tamaqtanýshylar arasynda araqashyqtyq saqtalýy kerek. Esik aldynda arnaıy qyzmetker kelýshilerdiń qyzýyn ólshep, qal-jaǵdaıyna zer salýy tıis.
Sonymen qatar tamaqtan bir rettik ydystarmen nemese kóp rettik ydystar zalalsyzdandyrylyp otyrýy tıis. Al, jumysshylar mindetti túrde betperde men bir rettik qolǵaptarmen qamtamasyz etilýi kerek.
Jazǵy alańdar men sport alańdary jáne bazarlarda osy syndy talaptardy oryndaı otyryp, óz jumystaryn bastaýǵa ruqsat berildi.
Aıta keteıik, Shymkent qalasynda 2020 jyldyń 27 mamyrdaǵy jaǵdaı boıynsha, COVID-19 ınfeksııasymen 732 jaǵdaı tirkeldi. Syrqattanýshylyq kórsetkishi 100 myń turǵynǵa shaqqanda 69,4 qurap otyr. 732 jaǵdaıdyń 22-i syrttan kelip tirkelgen (13-i halyqaralyq júk tasymalynyń júrgizýshisi, 1 jolaýshy Polshadan ushyp kelgen, 8-i Reseı Federasııasynan kelgen, onyń ishinde 7-i adam jumys istep júrgender jáne 1 stýdent), 286-y – jergilikti turǵyndar, 424-i qarym-qatynasta bolǵandar.
