- «Qazpochta» AQ-dan sálemdemeler alýǵa eshqandaı shekteýler joq, áýe jáne temirjol tasymaldarynyń bolmaýyna baılanysty jekelegen eldermen poshta baılanysy qol jetimdi emes. «Qazpochta» AQ-ǵa sálemdemelerdi jetkizý merzimi avtomobıl jolymen júzege asyrylǵandyqtan artty, dedi «Qazpochta» AQ Basqarma tóraǵasy Sáken Sársenov.
S. Sársenovtyń túsindirýi boıynsha el ishindegi sálemdemelerdiń jetkiziletin merzimi 2-3 kún, sonymen qatar, ol «Qazposhta» tarapynan shetelden sálemdemeler alýǵa eshqandaı shekteýler joq ekenin de atap ótti.
«Biz paketterdi kez-kelgen jerden qorqynyshsyz ala beremiz, degenmen halyqaralyq tártipte belgilengen sheńberde saqtyq sharalary qoldanylady, paket arqyly vırýs juqtyrǵan jaǵdaılar bolǵan joq. Biraq birqatar eldermen áýe jáne temirjol baılanysynyń toqtatylýyna baılanysty atalǵan elderge sálemdemeler qabyldaý toqtatyldy», - dedi ol.
Pandemııa elektrondyq saýdanyń básin arttyryp jiberdi. Bizdiń elde onyń bazalyq júıesi jaqsy damyǵan: 200-den astam ınternet-dúkeni, 70-ten astam logıstıkalyq kompanııa jumys jasaıdy, túrli tólem quraldary da bar.
Sondaı-aq Qazaqstannan jáne basqa da alys-jaqyn shet elderden sálemdemelerdi qabyldaýdy toqtatqan elderdiń tizimi «Qazpochtanyń» veb-saıtqa ornalastyrylǵan.
Onyń aıtýynsha, barlyq derlik elder shekaralaryn ashyp, sálemdemelerdi qabyldap jatyr. Tipti ǵalamtor arqyly da tapsyrys berip, aldyrýdyń da múmkindigi bar. «Qazposhta» basshysy shetelden kelgen sálemdemeler óńdelmeıtinin tilge tıek etip ótti. Sebebi olar birneshe kún boıy jolda júredi. Al vırýs tek tiri aǵzamen baılanysqanda ǵana tirshiligin jalǵastyrady. Biraq soǵan qaramastan Qazaqstannan Qytaıǵa jetken sálemdemeler qaıta óńdelip, dezıfeksııadan ótkiziletin kórinedi. Qazir Qazaqstanǵa jetkiziletin sálemdemelerdiń 60 paıyzy Qytaıdan keledi eken. Tipti Qytaıda shet elden kelgen vagondardyń ózine dezıfeksııa jasalady.
