Nur-Sultan qalalyq saýda jáne qyzmet kórsetý salasy bóliminiń basshysy Rýslan Ydyrysovtyń aıtýynsha, basty eskertýler qyzmetkerler men klıentterdiń maska kımeı júrýine jáne sanıtaızerlerdiń jetkiliksiz bolýyna baılanysty jasalady.
«Qatelikter men sanıtarlyq shara talaptaryn oryndaı otyryp, kásipker óz jumysyn jalǵastyra alady. Alǵashynda nusqaý berilip, eskertý jazbasha túrde jasalady. Tekseris barysynda SES jáne polısııa departamentiniń qyzmetkerleriniń jumystary aıqyn kórinedi. Eger eskertýler joıylmasa, kásip ıeleri aıyppul tóleýge mindetti. Shaǵyn bıznes-100 AEK, orta bıznes - 200 AEK, iri bıznes-300 AEK-ten 500 AEK-ge deıingi sommada aıyppul tóleıdi», - dedi R.Ydyrysov.
Esterińizge sala keteıik, 21-26 mamyr aralyǵynda 150-den astam kásiporynǵa monıtorıng jasaldy. Sanıtarlyq normalardyń saqtalmaýyna baılanysty 12 nysan: kafeler, meıramhanalar, barlar, azyq-túlik dúkenderi, spa-salondar jáne t.b. jabyldy. Al «Brýno», «Roofork» sekildi meıramhanalarǵa erejeler oryndalmaǵany úshin aıyppul salyndy.
