Jıynda komıtet basshysy ótken jyly 31 mamyrda qabyldanǵan «2019-2025 jyldary týrızmdi damytýǵa arnalǵan» memlekettik baǵdarlamanyń nátıjelerimen bólisti.
«Elimizde 2019-2025 jyldarǵa arnalǵan memlekettik baǵdarlamanyń júzege asyrylýy ótken jyly joǵary deńgeıde ótti. Atalǵan baǵdarlamanyń negizgi baǵyttarynyń biri – týrıstik aımaqtardy ınjenerlik, kommýnıkasııalyq jáne transporttyq ınfraqurylymmen qamtamasyz etý. Osy rette oblys ákimdikterimen birlesip, respýblıkalyq bıýdjetten 44 jobaǵa 51,5 mlrd teńge bólindi. Buǵan deıin Býrabaıdan basqa eshbir týrıstik aımaqqa osynshama qarjy bólinbegen. Infraqurylym júıesin jolǵa qoıý arqyly elimizge alys-jaqyn shet memleketterden ınvestorlardy tartýǵa múmkindik beredi. Osy oraıda Mańǵystaý oblysyn mysalǵa alýǵa bolady. 2019 jyly memleket esebinen kólik joly jáne sýmen qamtamasyz etý retke keltirildi. Aqtaý qalasyndaǵy Kaspıı teńizi aımaǵynda 17,8 mlrd teńgege gaz qubyry men jaryq júrgizildi. Endi bıyl jyl ortasynda Ortalyq Azııada eń úlken qonaqjaı keshenin ashamyz. 500 orynǵa arnalǵan aýqymdy keshenniń jalpy quny – 60 mlrd teńge», - dedi Dastan Ryspekov.
