Koronavırýstyq ınfeksııanyń taralýy áli de jalǵasýda, Densaýlyq saqtaý mınıstrligi el azamattaryn karantındik sharalardy saqtaýǵa shaqyrdy.
Eldegi tótenshe jaǵdaı rejımi alynǵanyna qaramastan, vırýstyń taralý qaýpi óte joǵary bolyp otyr.
Áskerı qyzmetshiler keıbir qalalarda karantındik sharalardyń álsireýine qaramastan, dezınfeksııalaý jumystaryn júrgizýdi jalǵastyrýda. Sanıtarlyq-epıdemııaǵa qarsy is-sharalardy qamtamasyz etý boıynsha jergilikti atqarýshy organdarǵa kómek kórsetý maqsatynda shuǵyl túrde 16-ǵa jýyq sanıtarlyq óńdeý toby quryldy, al 2020 jyldyń 25 mamyrynan bastap áskerde arnaıy óńdeý qurama jasaqtarynyń bólimderine ınfeksııamen kúrestiń ekinshi kezeńi bastalǵany týraly jarııalandy.
Áskerı qyzmetshiler alǵash ret betpe-bet kelgen koronavırýstyq ınfeksııamen kúres tájirıbesi osy saladaǵy mamandarmen muqııat zerdelenip, taldandy. Áskerı qyzmetshilerdiń keıingi is-áreketteri barynsha kásibı bolady, osylaısha jergilikti atqarýshy organdardan óńdeýge túsken ótinimderdiń ishinen jaqyn arada jalpy aýdany 224060 m2 shamamen 80 áleýmettik mańyzy bar nysandardy óńdeý josparlanýda, bul dezınfeksııalyq toptar úshin joǵary kórsetkish bolyp tabylady.
Qalalarda buryn engizilgen barlyq shekteýler qatań baqylaýda. Jeke quram men elimizdiń azamattary densaýlyǵynyń qaýipsizdigin qamtamasyz etý maqsatynda profılaktıkalyq jáne sanıtarlyq-epıdemııaǵa qarsy is-sharalar júrgizilip jatyr. Ár nysandy óńdeý sharalary muqııat uıymdastyrylǵan.
