Esterińizge sala keteıik, Memleket Basshysy Qasym-Jomart Toqaevtyń aǵymdaǵy jyldyń aqpan aıynda Germanııaǵa jumys sapary aıasynda Siemens AG kompanııasynyń atqarýshy dırektory Djo Kezermen kezdesý ótkizip, onda Qazaqstannyń Siemens kompanııasymen ınvestısııalyq yntymaqtastyǵyn nyǵaıtý perspektıvalary talqylandy.
Onlaın-kezdesý barysynda Qazaqstan Úkimeti men Siemens álemdik tehnologııalyq konserni arasynda Premer-Mınıstrdiń orynbasary Roman Sklıar men Reseı jáne Ortalyq Azııadaǵy Siemens Prezıdenti Aleksandr Lıberov qol qoıǵan О́zara túsinistik týraly memorandýmnyń oryndalýyn talqylaýǵa erekshe nazar aýdaryldy.
Máselen, Qazaqstan Úkimeti men Siemens ónerkásip sektoryn sıfrlandyrý jáne avtomattandyrý, zııatkerlik berý, elektr energııasyn taratý jáne turaqty energııa óndirý sııaqty salalarda yntymaqtasýǵa kelisti. Budan bólek onlaın-kezdesý barysynda sıfrlandyrý, densaýlyq saqtaý jáne energetıka salasyn damytý máselelerine erekshe nazar aýdaryldy.
Investordyń aıtýynsha, kompanııa jańa ádister men zamanaýı tehnologııalyq bazany engizýdi qosa alǵanda, tehnologııalar salasyndaǵy jergilikti tájirıbe men tehnologııalyq yntymaqtastyqty damytýǵa múddeli. Kompanııa ókilderi sıfrlandyrýdyń basym baǵyttaryn birlesip pysyqtaýdy, normatıvtik-quqyqtyq bazany jaqsartýdy, mamandardy oqytýdy, sandyq tehnologııalarǵa ınvestısııalardy jáne qazaqstandyq tarappen birlesip ınfraqurylymdy damytýdy kózdeıtin salalardy sıfrlandyrý bóliginde qolda bar tájirıbeni qoldanýǵa daıyn ekendigi týraly habarlady.
Densaýlyq saqtaý salasyndaǵy sıfrlandyrýdy talqylaý barysynda Syrtqy ister mınıstriniń orynbasary Almas Aıdarov áriptestermen ózara is-qımyldyń zertteý qajettigin atap ótti, óıtkeni joǵary bilikti kadrlarmen qatar medısınalyq mekemelerdi damytý jáne jabdyqtaý qajet. Sondaı-aq Almas Aıdarov ınvestormen ózara qarym-qatynasty odan ári damytý maqsatynda birqatar usynystar eńgizdip, KAZAKH INVEST-ke Qazaqstan Respýblıkasynyń aýmaǵynda ınvestorǵa qoldaý kórsetý jáne servıstik súıemeldeý boıynsha tapsyrmalar berildi.
Barlyq aıtylǵan usynystar múddeli memlekettik organdardyń qatysýymen jeke jumys toby sheńberinde pándik zerdelenip, onyń jumys sheńberinde áleýetti tıimdi jobalardy anyqtaý úshin keshendi tásil qoldanylatyn bolady.
