4-shaǵynaýdandaǵy jaıaý júrginshiler jolyna aǵymdaǵy jóndeý jumystary jalǵasýda. Merdiger – «Aǵashty -1» mekemesi. Jóndeý jumystaryn 3 aı̆ ishinde tolyǵymen aıaqtaý josparlanyp otyr. Jaıaý júrginshiler jolynyń aýmaǵy – 6 myń sharshy metr.
- Búgingi tańǵa deıin 420 sharshy metr aýmaqqa asfalt tóseldi. 4-shaǵynaýdannyń syrtqy perımetriniń jaıaý júrginshiler jolyna jóndeý jumystarynyń bastalý sebebi: eki jaǵyndaǵy beton jaqtaýlar ketip qalǵan, asfalt beti shuryq tesik, jarylyp ketken. Negizi defektilik aktileri burynǵy jyldary jasalǵan edi. Qarjynyń tapshylyǵyna baı̆lanysty, bul jumystar keı̆inge qaldyrylyp keldi. 3 aı̆dyń ishinde túgelimen jaıaý júrginshiler joly aýystyrylady, deı̆di Aqtaý qalalyq turǵyn-úı̆ komýnaldyq sharýashylyǵy bóliminiń basshysy Qaı̆rat Aqybaev.
3-shaǵynaýdan perımetriniń jaıaý júrginshiler joly jóndeýden ótýde. Jalpy aýmaǵy 1,9 shaqyrym bolatyn trotýar kezeń-kezeńmen jóndelmek. Merdiger mekeme ókiliniń aı̆týynsha turǵyndardyń júrip- turýyna yńǵaı̆syzdyq týdyrmaý maqsatynda, jaıaý júrginshiler joly 200 metrden kezekpen jóndelip turmaq. Búginde alǵashqy 200 metr aýmaqqa demontaj jasalyp, jıek tastar ornatylýda. Jumystardy eki aı̆ ishinde aıaqtaý josparlanǵan.Memlekettik satyp alý arqyly «Berkan» JShS jeńimpaz bolyp anyqtaldy. Jumystar ýaqytyly júrgiziletin bolady.
8a-shaǵynaýdan perımetriniń jaıaý júrginshiler joly da jasalady. Jeńimpaz «Global west constraction» JShS anyqtaldy. Aldaǵy ýaqytta tıisti jumystar júrgiziletin bolady.
Sonymen qatar, tireý qabyrǵalaryn syrlaý, 14-15 shaǵynaýdandardaǵy kishi bannerlerdi qalpyna keltirý jumystary júrgizilýde. Aldaǵy ýaqytta oryndyqtar men qoqys jáshikterin syrlaý jáne kútip ustaý, balalar oıyn alańdarymen sport alańdaryna syrlaý jumystaryn júrgizý. Sonymen qatar, qala aýmaǵyndaǵy eskertkishterdi jýý, shaǵyn sáýlet nysandaryn syrlaý, jaıaý júrginshiler joldaryn kútip ustaý jumystardy atqardy.
Mańǵystaý oblysy
