Qoǵam • 01 Maýsym, 2020

Balalardyń bilimi men qaýipsizdigine basymdyq beriledi (vıdeo)

157 ret kórsetildi

Búgin – baýyr etimizge balaıtyn, kóńildiń gúline, kózdiń nuryna teńeıtin balalar kúni.

Sýretti túsirgen Erlan Omar, EQ

Bıyl balalar úshin de esten ketpes erekshe synı kezeń boldy. Karantın sharalary dala bezip, dop qýar oıyn balasyn qýys úıge qýyp tyqty. Baldyrǵandarǵa balabaqsha, oqýshylarǵa mektep esigi tars jabyldy. Tereze aldynda telmirgen tıtteı jandarǵa tipti aýlaǵa shyǵý muń boldy. О́ıtkeni ruqsat joq! Indet úlkenge de, kishige de izet kórsetpeıdi. Balanyń balaqaıy da, qalaqaıy da bar ekenin uqtyrǵan osy bir syndarly sátte ata-analar qaýymy muǵalimder men tárbıeshiler eńbeginiń qanshalyqty mańyzdy ekenin uǵyndy. О́ıtkeni tótenshe toqsanǵa balanǵan tórtinshi toqsanda sabaqty bala ǵana emes, ata-ana da oqydy. Qashyqtan oqysa da eshkim bilim alýdan qaǵys qalǵan joq. Telearna da, ınternet te, baǵdarlamalar da osy rejimge jumyldyryldy. 

Memleket basshysy Qasym-Jomart Toqaev qalyptasqan jańa ahýal bilim júıesin túbegeıli reformalaýdy talap etetin keshegi sózinde el mektepteri jaqsy jabdyqtalyp, synyptaǵy oqýshylar sanynyń kóp bolmaýy eskerilýin, 2025 jylǵa qaraı, 650 oryndyq jáne odan da kóp oqýshyǵa arnalǵan 800 jańa mektep, aýyldardaǵy tirek mektepter úshin 114 ınternat, 700-den asa sport zalyn salý josparlanyp otyrǵanyn aıtty. Prezıdenttiń parasatty paıymy aldaǵy el ekonomıkasynyń damýy tikeleı bilim men ǵylym júıesine táýeldi ekenin de jasyrmady.

Byltyr elimizde 402 myńnan astam sábı dúnıege keldi, bul 2009 jylmen salystyrǵanda 12,9 paıyzǵa kóp. Qazaqstandaǵy halyq sany ósiminiń 19 mln-ǵa jetkeni belgili. Elimizde ana men balaǵa memlekettik qamqorlyqtyń artyp kele jatqanyn ańdaýǵa bolady.

Bıyl balalardyń jazǵy demalysy jyldaǵydan ózgeshe bolatyny daýsyz. Lagerler men demalys oryndary qaýipsizdik sharalaryn saqtaýǵa baılanysty balalardy qabyldaý erejelerine ózgerister engizedi. Eń bastysy, tótenshe toqsanda tórt kózi túgel otyryp kompıýterge tesilgen balalar men ata-analar jaz maýsymyn oıdaǵydaı ótkizip, aldaǵy oqý jylyna tyń kúsh-qýat jınap keletini kámil.

Sońǵy jańalyqtar

Prezıdent Almaty ákimin qabyldady

Prezıdent • Búgin, 14:07

Iranda 6 baldyq jer silkinisi boldy

Álem • Búgin, 11:20

О́tken táýlikte 187 adam indet juqtyrdy

Koronavırýs • Búgin, 10:40

Búgin aqyn Muhtar Shahanov 80 jasqa toldy

Qazaqstan • Búgin, 09:02

Dollar arzandady

Qarjy • Keshe

Uqsas jańalyqtar