Shaǵyn maqalada oblys ortalyǵyndaǵy Lermontov atyndaǵy ortalyq kóshe boıyndaǵy jóndelmegen aıaldamalardyń birinde qoqys salǵyshqa qaratyp Abaı atamyzdyń sýreti salynǵany, ishi-syrtynda uly aqynnyń sýretteri, naqyl sózderi jazylǵany týraly jazǵanymyz oqyrmannyń esinde bolar.
Abaıdyń 175 jyldyǵyna oraı «rýhanı jarnamaǵa» tapsyrys bergen qalalyq ákimdik, ishki saıasat bólimi qyzmetkerleriniń orasholaqtyǵyna tańǵalasyń, Abaı – bilgenge marjan, bilmeske arzan degen edik onda biz.
Keshe Pavlodar qalalyq ishki saıasat bóliminiń basshysy Náıla Ahmetova habarlasyp, Abaıdyń sýretteri, naqyl sózderi aıaldamadan alynyp tastalǵanyn habarlady.
Oblys ákimdigi bizdiń maqalaǵa nazar aýdaryp, qalalyq ákimdikke aıaldamada turǵan «jarnamalaryńda kimdi mazaq etkensińder» demese, áli de solaı tura berer me edi, kim bilsin?!
Pavlodar
